34. عیسیٰنینگ باشغا مثالْلاری تعلیم بِریشی

عیسیٰ خداینگ پادْشالیغی بارادا باشْغادا کؤپ حکایهلاری آیتْدی. مثال اۆچین شِیْله دیدی: »خداینگ پادشالیغی کیمْدیر بیرینینگ یِرینه اِکِن دآری دأنهسینه منگزِشْدیر. دآری دأنه سی اینگ کیچی دأنهدیگینی قاوی بیلیأرْسینگیز. «

شِیْلِده بوُلْسا، دآرینینگ دأنه سی اولالانْدا باغْداقی بِیْلِکی اؤسیمْلیکْلِرْدِن اولوراق بوُلْیار. اوُل قدر کی قوشْلار شاخهلارْنینگ آراسینْدا دینچ آلْیارْلار. «

عیسیٰ باشْغا بیر حِکایهنی آیتْدی: »خداینگ پادشالیغی، بیر زِنانینگ، خمیرینگ همّه یِرینه یایْراماغی اۆچین اونا قوُشان خمیرمایهسیدیر. «

»خداینگ پادشالیغی، اِکین مِیْدانینْدا گیزْلِنِن خزینه یالیدیر. باشْغا بیری اوُنی تاپیب، یِنه توُپْراغینگ آشاغینْدا گیزْلِدی و بِگینْجینْدِن گیدیب خزینه یِرلِشِن اِکیش یِری ساتین آلْماق اۆچین بارْچا زادینی ساتْدی. «

»خداینگ پادشالیغی، بیر تأجرینگ همّه زادینی ساتیب، پولی بیلِن ساتین آلْجاق بوُلیان اینگ آوادان و بٰهالی مِرْجِنیدیر. «

اوُل یِرده یاغْشی ایشلِری اۆچین خدای اوُلارْدان راضی میقا دییأنلِر بارْدی. اوُلار یاغشی ایش اِتْمِدیکْلِری یگرِنیأردیلِر. شوُنینگ اۆچین عیسیٰ اوُلار شو حکایهنی آیتْدی: »ایکی آدم عبادت اِتْمأگه عبادتخانه گیتْدیلِر. اوُلارینگ بیریسی دینی یوُلباشچی، بِیْلِهکیسی باسْماچیدی. «

»دینی یوُلباشْچی دوریب شِیْله دعا اِتْدی: »ای خدای باشْغالار یالی گناه کأر، اوغری، ظالم، زناکأر و شوُنینگ یالی باسْماچی دألْدیگیمه کؤپ شکر. «

هفتهده ایکی گزک آغیز بِکْلِیأرین، و قازانْجیمینگ اوُنْدان بیرینی سانگا بِرْیأرین. «

یؤنه باسْماچی دینی یوُلباشْچیدان اوزاغْدا دوردی و دعا ادنْده باشینی آسْمانا قالْدیرْمادی، اِیْسه قورْساغینا یومریق بیلِن اوریبْدا دیدی: ای خدای مانگا رحم ات، سبأبی من گناه کأر! «

عیسیٰ سؤزْلِرینه دوام اِتْدیرْدی: »سیزه حقیقتی آیْداین، خدای باسْماچینگ دعاسینی اِشیدیب اوُنی یالْقادی. خدای مِنْلیگی بار بوُلانی خوار اِدِر و پِس پأل بوُلانی باشین یوُقار قالْدیرار. «