33. دایْخانینگ حِکایاسی

بیر گۆن عیسیٰ کؤلینگ یاقاسینْدا بیر توپار آدٰما تعلیم بریأرْدی. اوُلارینگ سانی قاتی کؤپ بوُلانْسُنگ عیسیٰنینگ اوُلار بیلِن گۆرْلِشْمأگه یِر تافیلمادی. شوُنینگ اۆچین سووینگ قیراسینْداقی گأمأ مینیب شوُل یِردِن تعلیم بِرْمأگه دورْدی.

عیسیٰ شو حِکایانی آدٰمْلارا آیتْدی: »بیر تایخان یِر اِکْمأگه گیتْدی. تخملاری هر یانا سِپیب دورْقا بیر نأچهسی یوُلینگ اۆستینه دۆشدی قوشْلار گلیب اوُلارینگ همّهسینی ایدیلِر. «

»کأ بیری یوقاجیق قوما باسیرْلان داشْلانگ اۆسْتینه دۆشْدی. تخملار شوُل یوقاجیق قومینگ اۆستینْده گؤگِرْدیلِر. یؤنه کؤکْلِری توُپراغینگ آشاغینا بارْیب بیلْمِدی. شوُنینگ اۆچین ایسْسی گۆنِش دۆشنْده همّهسینی یاقیب یوُق اِتْدی. «

»کأ بیر تخملار تیکِنْلِنگ آراسینا دۆشْدی. تیکِنْلِر بیلِن تخملار بیله اؤسْدیلِر. تأزه چیقان اؤسیمْلیگینگ اۆستینی تیکِن باسانی اۆچین دارْغاب حاصل بِرْمِدیلِر. «

»بیر نأچه تخم توُپْراغینگ قاوی یِرینه دۆشْدیلِر. هر بیر تخم اوُتوز، آلتْمیش کأ بیری یۆز اِسسه حاصل اؤندِردی. هر کیمینگ خدایا اویاسی گِلْسه مِنینگ سؤزْلِریمی دینگْلِسین. «

بو حِکایهنی اِشیدن شأگردلِنگ باشی چاشْدی. سوُنگ عیسی اوُلارا شِیْله آچیقْلادی: »تخم، خداینگ کِلامیدیر. یوُل، خداینگ کِلامینی اِشیدیأن یؤنه اوُنگا دۆشینْمِیأن کیشیدیر. آصْلینْدا! شیطان خداینگ کلامینا دۆشینمأگه پأسگل بِرْیأر. «

»داشْلیق یِر، خداینگ کلامین اِشیدِنْده اوُنی شادْلیق بیلِن قٰبول اِتیأن کیشیدیر یؤنه قینْچیلیقْدا یادا خٰلْقینگ آزاری یتیشِنْده خدایْدان یۆز اؤویرْیأر. دییمِک خدایا اینانْماقْدان اِل چِکْیأر. «

»تیکِنْلی یِر، خداینگ سارْغیدینی اِشیدْیأن کیشیدیر یؤنه دورْمیشینگ آلاداسی، پول و کأن زات ییغناماغا گؤوین باغْلاماغی، نأچه واقتْدان سۇنگ اۇنی خدایی سؤیمِکْدِن آلیب قالیار. سوُنگ خداینگ کلامینْدان تعلیم آلیشی یالی خدایی راضی اِدیب بیلْمِیأر. اۇل حاصل بِرمِیأن بوغْداینگ باشْلاری یالیدیر. «

»یؤنه قاوی یِر، خداینگ کِلامینی اِشیدیب اۇنگا اینانیب حاصل بِریأن کیشیدیر. «