44. پترس بیلِن یوحنانینگ دیلِگْچأ شفا بِرْشی

بیر گۆن پترس بیلِن یوحنا عبادتخانه گیتْدیلِر. قاپینگ قاپْدالینْدا دیلِگْچیلیک اِدیأن بیر مایپ آدٰم گؤرْدیلِر.

پترس اوُل مایپ آدٰما باقیب دیدی: »سیزه بِرْمأگه پولیم یوُق، یؤنه باریمئ سانگا بِرِیین. عیسینینگ آدینْدان تورْدا و یؤرأنگ! «

خدای اوُنی شوُل چاغْدا شفا بِرْدی و اوُل یؤرأب باشْلادی و اوُلارینگ داشینْدا بِگِنیب خدایا عبادت اِدیب باشْلادی. عبادتخانه نینگ حیاطینْداقیلار گِنگ قالْدیلار.

شفا تاپانی گؤرْمِک اۆچین دِرْرِو کؤپ مأرکه ییغنانْدی. پترس مأرِکه دیدی: »بو آدٰمینگ شفاسینی گؤریب گِنگ قالْمانگ. بیز بو آدٰمی گؤیجیمیز یادا دینْدارْلیغمیز اۆچین شفا بِرمِدیک بِلْکه اوُنی شفا بِرِن عیسینینگ گۆیجیدیر، سِبأبی بیزینگ اوُنگا ایمانیمیز بار. «

»سیز روم حاکمینْدِن عیسینی اؤلْدیرْمِگی ایسْألن آدٰمْلارْسینگیز. سیز همّهلِره جان بِریأنی اؤلْدیرْدینگیز. یؤنه خدای اوُنی اؤلیمْدِن دیرِلتْدی. سیز نأمه اِدْیأندیگینگیزی بیلِمِسِنگیزْده، یؤنه پیغامْبِرلِرینگ مسیحینگ زِجر چِکیب اؤلْدیریلْمِگی باراداقی اِدن وِلیلیگینی یِرینه یِتیرْدینگیز. خدای مونینگ شِیْله بوُلْماغینی ایسْلِدی. اوُنْدا توبه اِدینگ و گناه لِرنگیزْی گِچْمِگی اۆچین خدایا دوُلانینگ. «

عبادتخانهنینگ یوُلْباشْچیلاری پترس بیلِن یوحنانینگ سؤزْلِرینی اِشیدیب قاتی قٰهٰرْلانْدیلار. سوُنگ اوُلاری توسْساغ اِدیب زنْدانا سالْدیلار. یؤنه پترسینگ سؤزْلِرینی اِشیدِنْلِرینگ کؤپْسی ایمان گِتیرْدیلِر و ایمان گِتیرِنْلِرینگ سانی۰۰۰٫۵یِتْدی.

اِرْتِسی گۆن یهود باشْلیقْلاری پترس بیلِن یوحنانی، مایپ آدٰم بیلِن بیله لیکْده باش روحانی و دین یوُلْباشْچی لانگ یانینا گِتیرْدیلِر. اوُلار پترس بیلِن یوحنادان سوُرادیلار: »بو مایبی هایْسی گۆیچ بیلِن شفا بِرْدینگیز؟ «

پترس دیدی: »بو قارْشینگیزدا دوران آدٰم عیسی مسیحینگ گۆیجی بیلِن شفا تاپْدی. سیز عیسینی صلیبه چِکْدینگیز یؤنه خدای اوُنی یِنه دیرِلتْدی! سیز اوُنی قبول اِتْمِدینگیز، یؤنه عیسینینگ گۆیْجینْدِن باشْغا قوتیلیش یوُلی یوُق! «

دین باشْلیقلاْری پترس بیلِن یوحنانینگ باتیرْلیغینا گِنگ قالْدیلار. سببأبی اوُلار سوادْسیز قاراچی آدٰمْدیلار. شوُنْدا بولارینگ عیسی بیلِن بوُلانْدیغی یادْلارینا دۆشْدی. سوُنگ اوُلارا دیدیلِر: »عیسی بارادا خالق بیلِن یِنه گۆرْرینگ اِتْسِنگیز قاتی جِزا بِرِریس. « اوُلار پترس بیلِن یوحنانی قیسْسانْلارینْدان سوُنگ آزاد اِتْدیلِر.