45. استیفان بیلِن فیلیپس

دِسْلاپقی کلیسانگ باشْلیقْ لارْنینگ بیری استیفان آدْلی آدٰمْدی همّهلِر اوُنی سیلارْدی. روح القدس اوُنگا گۆیچ بیلِن حکمت بِریبْدی. استیفان کؤپ معجزه اِتْدی و کؤپ آدٰم اوُنینگ سؤزْلِری بیلِن عیسیٰ ایمان گِتیرْدی.

بیرگۆن استیفان عیسیٰ بارادا تعلیم بِریب دورْقا، عیسیٰ ایمانی بوُلْمادیق کأ بیر یهودلار استیفان بیلِن جِدِلشیب گۆرْرینگه باشْلادیلار. اوُلار قاتی قٰهٰرْلاندیلار و استیفان بارادا دین یوُلْباشْ چیلارْنا یالانْدان دیدیلِر: »بیز اوُنینگ موسی بیلِن خدای حاقینْدا یاراماز سؤز دییِنْدیگینی اِشیتْدیک. « شِیْدیب دین یوُلْباشْ چیلار استیفانی توسساغ اِدیب اوُنی باش رۏحانی لانگ یانینا أکیتْدیلِر. سوُنگ ینه کؤپ یالانْچی شاهدلر گِلیب اوُنینگ حاقینْدا یالان سؤزْلِدیلِر.

باش روحانی استیفانْدان سوُرادی: »بو آدٰمْلارینگ سِن حاقدا آیدانلاری چینْمی؟ « استیفان بو سوُراغا جوُغاب اۆچین باش روحانیا کؤپ سؤز دیدی. اوُل دیدی خدای ابراهیمینگ زمانینْدان عیسینینگ زمانینا چِنْلی یهودلارا کؤپ اولی ایشلِر اِتْدی، یؤنه بو خٰلق کؤپ گِزِک اوُنْدان یۆز اؤویرْدی. استیفان اوُلارا دیدی: »سیز خداینگ قاشینْدا بیر آزْغین ملّت. سیز هیچ هاچان روح القدسی قبول اِتْمِدینگیز اِدیل آتالارْمیز خدایی انکار اِدیب اوُنینگ پیغامْبِرْلِرین اؤلْدیرْشی یالی. یؤنه سیز اوُلارْدان بِتِرْرأک بیر ایش اِتْدینگیز، سیز بوُلسا مسیحی اؤلْدیرْدنگیز! «

دین یوُلباشْ چیلار بو سؤزْلِری اِشیدِنْلِرینْده قاتی قٰهٰرْلانْیب قولاقْلارین توتیب قیغیرْدیلار. اوُلار استیفانی شهرینگ داشینا چیقاریب داشْلاب اؤلْدیرْدیلِر.

استیفان جان بِریب دورْقا قیغیردی: »ای عیسی! روحیمی قارْشیلا. « شوُنْدا دیزا چؤکیب ینه قیغیرْدی: »ای خدای! بولارینگ گناسینی گِچ« سؤنگ جان بِرْدی.

شوُل گۆن اورشلیمده کؤپ آدٰم عیسینگ یارانْلارینا آزار بِریب باشْلادیلار ایمان گِتیرِنْلِر بوُلْسا باشْغا یِرلِره قاچیب گیتْدیلِر. اوُلار بو واقعهلِره باقْمانی نیرأ گیتْسِلِر یِنه عیسیدان وعظ اِدِرْدیلِر.

عیسینینگ فیلیپُس آدْلی شاگردلِرنینگ بیری آزار بِرْلِنده کؤپ ایمان گِتیرِنْلِر بیلِن بیله اورشلیمدن قاچیبْدی. اوُل سامره گیدیب اوُل یرْده عیسیدان وعظ آیتْدی و اوُل یِرْدأکی کؤپ آدٰمْلار نجات تاپْدیلار. سوُنگ بیرگۆن خداینگ بیر فرشتهسی چؤلده بیر یوُلا گیتمِگینی بویورْدی. اوُل شوُل یوُلْداقا آراباسی بیلِن گِچیب باریان حبشهلی بیر مهم دولت آدامْسینی گؤرْدی. روح القدس فیلیپُسه اوُنینگ یانینا باریب گۆرْرینگ اِتْمِگی بویورْدی.

فیلیپُس آرابانینگ یانینا بارانْدا، حبشهلی آدٰمینگ اشعای نبینگ کتابینینگ بیر بؤلِگینی اوُقایانْدیغینی اِشیتْدی. اوُل یِری کی آیدْیار: »چالْماغا آلیب بارْلان قوُیون یالی، و قیرقیمچیلانگ اؤنگینْده دیمان قوزی یالی، هیچ سؤز آیدْمادی. اوُنینگ بیلِن عادلْسیزْلیق اِدیب سیلامادیلار. اوُلار اوُنینگ جانینی آلْدیلار. «

فلیپُس حبشلهلی آدٰمْدان سوُرادی: »اوُقاب دوران زادینگا دۆشینیأنگمی؟ « حبشهلی دیدی: »یوُق، بیری آیْدایْماسا دۆشینیب بیلِموُق گِلیب یانیمْدا اوتوراسانگیز. اشعیا نبی مونی اؤزینه آیدْیارْمی یادا باشْا بیرینه؟ «

فیلیپُس آرابا گیریب اوُنینگ یانینْدا اوُتورْدی. سوُنگ اشعیا نبینینگ اوُل بؤلِگی عیسی بارادا یازانْدیغینی آیتْدی. فلیپُس خدای کلامینینگ کؤپ یِرینی اوُنگا آیدیب بِرْدی و عیسینگ انجیلینینگ سارْغیدین اوُنگا یِتیرْدی.

فیلیپُس بیلِن حبشه لی آدٰم اؤنگه بارْیاقالار بیر کؤله یِتْدیلِر. حبشهلی آدٰم آیتْدی: »باقینگ بأرده سو بار! تعمید آلماق بوُلارْمی؟ « و خدمتکأرینه آرابانی ساقلاماغینی بویورْدی.

شِیْدیب اوُلار سوا گیرْدیلِر و فلیپُس حبشهلی آدٰمی تعمید بِرْدی. سودان چیقانْلارینْدا بیرْدِن روح القدس فلیپُسی باشغا یِره آلیب گیتْدی. فیلیپُس اوُل یِرْده عیسیدان وعظ اِتْمِگی دوام بِرْدی.

حبشهلی اؤینه قارْشی یوُلا دۆشْدی. اوُل عیسینی تانانْدیغی اۆچین بِگِنْیأرْدی.