46. سۇلْسینگ مسیحی بوُلْشی

سولس آدْلی بیر آدٰم بارْدی اوُل یاشْلیغینْدا استیفانی اؤلدیرِنده یهودلانگ اِشیگینی قوُرارْدی و عیسیٰغا ایمانی یوُقْدی. اوُل مسیحیلره آزار بِرِرْدی و اورشلیمده اِرْکِکلِری و زِنانْلاری توسساغ اِدیب زندان اِتمِک اۆچین اؤیْدِن اؤیه آیلاناردی. باش روحانی اوُنگا دمشقه گیدیب شُول یرِدأکی مسیحی لِری توسساغ اِدیب اورشلیمه آلیب قایتْماغینی بویورْدی.

شِیْدیب سولس دمشقه یوُلا دۆشْدی. اوُل یِره یِتْمأنکأ آسْمانْدان بیر یاغتی ائشیق اوُنی قورْشاب آلْدی و یِره دۆشْدی. سوُلس بیر سِس اِشیتْدی: »شائول، شائول نأمه اۆچین مانگا جفا ادیأرْسینگ؟ « سوُلس سوُرادی: »سروریم سن کیم؟ « عیسی اوُنگا آیتْدی: »من عیسی، هألکی آزار بِریأنینگ! «

سولس یِریندِن تورانْدا گؤزْلِری گؤرْمِدی، دوستلاری اوُنی دمشقه اکیتْدیدِر. سولس اۆچ گۆنألب هیچ زات ایب ایچْمِدی.

دمشق شهرینْده حنانیا آدْلی بیر شاگرد یاشارْدی. خدای اوُنگا بویورْدی: »سولسینگ بوُلْیان اؤیونه گیدینگ. ینه گؤرر یالی اِلینگی اوُنینگ اۆستینْده قوُیونگ. « یؤنه حنانیا دیدی: »ای خدایم! من بو آدٰمینگ ایمانْ گِتیرِنْلِره نأهیلی آزار بِریشینی اِشیتْدیم. « خدای آیتْدی: »بار! من اوُنی آدیمی یهودلارا و باشغادا طایفه لاردا آیدْماغی اۆچین بِلْلِدیم. اوُل مِنینگ آدیم اۆچین کؤپ گؤرْگیلِر گؤرر. «

شِیْدیب حنانیا سولسینگ یانینا باریب اِل لِرینی اوُنینگ اۆستینْده قوُیوب دیدی: »هألکی یوُلْدا گؤرینِن عیسی مِنی گؤزْلِرینگی آچْماق و مقدس روحْدان دوُلْماغینگ اۆچین ایبِرْدی. « سولس دِرْرِو یِنه گؤریب بیلْدی و حنانیا اوُنی تعمید بِرْدی. سوُنگ سولس ایمیت ایدی و گۆیجی قایْدیب گِلْدی.

سولس دِرْرِو دمشقینگ یهودلارینا وعظ اِدیب باشْلادی و »عیسی خداینگ اوُغْلی! « دیرْدی. یهودلار قاتی گِنگ قالْدیلار سِبأبی ایمان گِتیرِنْلِری یوُق اِتْجِک بوُلیان آدٰمینگ اؤزی اینْدی عیسیٰغا ایمان گِتیریبْدی! سولس یهودلار بیلِن چِکِلِشیکْلی گۆررینگلِر اِدیب عیسینینگ مسیحدیگینی بِلْلی اِتْدی.

نأچه گۆندِن سوُنگ یهودلار عیسیٰنی اؤلدیرْمأگه قصد اِتْدیلِر. اوُلار اوُنی شهرینگ گیرِلْگِلِرینده تاپیب اؤلْدیرْمأگه آدٰمْلارْنی ایبِرْدیلِر. یؤنه سوُل اوُلانگ نیتینْدِن خبرلی بوُلیب دوُستْلارنینگ کمکی بیلِن قاچْدی. بیر گیجه سبدده قویب شهرینگ دیوارْلاریندان آشاق سالاب گؤیْبِرْدیلِر. سولس دمشقدن قاچان سوُنگ عیسی بارادا وعظ اِتْمِگی دوام بِرْدی.

سولس رسولْلار بیلِن گؤریشْمأگه اورشلیمه بارْدی یؤنه اوُلار اوُنْدان قورقْدیلار. شوُنْدا برنابا آدلی ایمان گِتیرِنْلِنگ بیری سۏلسی رسۏلْلانگ یانینا اَکیتْدی. اوُلارا سولسینگ نأدیب باتیرلیق بیلِن وعظ اِدِنْدیگینی دیدی. شوُنْدان سوُنگْرا رسولْلار سولسی قبول اِتْدیلِر.

کأ بیر ایمان گِتیرِنلِر کؤپ جفا چِکِن سوُنگ اورشلیمدِن شهریندِن قاچیب، انطاکیه آدْلی اوزاق بیر شهره گیدیبدیلِر عیسی بارادا وعظ اِتْدیلِر. انطاکیه لِرینگ کؤپسی یهودی دألْدی، یؤنه بیرینجی گِزِک ایمان گِتیرْدیلِر. برنابا بیلِن سولس تأزه ایمان گِتیرِنْلِره عیسی بارادا تعلیم بِرْمأگه و کلیسانی گۆیچلِنْدیرمأگه شوُل یِره گیتْدیلِر. ایلکینْجی گِزِک انطاکیهده مسیحه ایمان گِتیرِنْلِره مسیحی آد بِریلْدی.

بیر گۆن انطاکیهلی مسیحیلِر آغیز بِکْلاب دعا اِدیب دورْقالار روح القدس اوُلارا آیتْدی: »برنابا بیلِن سوُلسی اوُلارینگ بیتیرْمِگی اۆچین چاغیران ایشیمه گؤیْبِرینگ. « شِیْدیب انطاکیه نگ کلیساسی اؤز اِلْلِرینی برنابا بیلِن عیسینینگ اۆسْتینْده قوُیوب اوُلارا دعا اِتْدیلِر. سوُنگ اوُلاری عیسینینگ خوُش خبرینی باشغا یِرْلِرده وعظ اِتْمک اۆچین یوُلا سالْدیلار. برنابا بیلِن سولس آدٰمْلانگ کؤپ دۆرْلی طایفهلارینا تعلیم بِرْدیلِر و انْچِمه لر عیسیغا ایمانْ گِتیرْدیلِر.