۲۴- یووحەنا، عیسا تەعمید ئەدات

یووحەنا کوڕی زەکەریا و ئێلیزابێت، گەورە بوو و بۆ پێغەمبەری هەڵبژاردرا. ئەو لە بیابان ژیانی ئەکرد، هەنگوێن سەحرایی و کولەی ئەخوارد و جلی پەشمی وشتری له بەر ئەکرد.

ژمارێک زۆر لە خەڵک بۆ بیابان وبۆ لای یووحەنا ئەچوون وگوێیان لە قسەکانی ئەگرت. ئەو قسەی بۆ ئەکردن و ئەیوت:«تۆبە بکەن، چونکە پاشایەتی خوا نزیکە.»

کاتێک کە خەڵک پەیامی یووحەنایان ئەبیست، لە زۆربەی گوناحەکانیان تۆبەیان ئەکرد و یووحەناش ئەوانی بە ئاو، تەعمید ئەدا. زۆربەی ڕێبەرانی ئایینیش ئەهاتنە لای یووحەنا، بەڵام گوناحەکانیان به خۆ ناگرت و تۆبەیان ناکرد.

یووحەنای تەعمیددەر بە ڕێبەرانی ئایینی وتی:« ئەی ماره ژەهراویەکان! تۆبە بکەن و هەڵسوکەوتتان بگۆڕن. خوا هەر دارێک که میوەی باش بەرهەم نەهێنێ، ئەیبڕێت و ئەیخاته ناو ئاگر.» یووحەنا قسەی پێغەمبەرانی پێشووی خۆی تەواو کرد کە وتبویان: «بڕوانه کە من ئێستا پەیام نێری خۆم پێش تۆ ئەنێرم تا ڕێگات بۆ بکاتەوه.»

هێندێک لە ڕێبەرانی ئایینی لە یووحەنایان پرسی:«ئایا تۆ مەسێحی؟» یووحەنا وڵامی داوە:«من مەسێح نیم، بەڵام کەسێک دوای من دێت کە له من زۆر سەرترە. ئەوەندە کە من تەنانەت شایانی ئەوەیش نیم که بەندی پێڵاوەکانی بۆ بکەمەوە.»

ڕۆژێ دوایی، عیسا بۆ تەعمیدی ئاو،هاتە لای یووحەنای تەعمیددەر. کاتێک یووحەنا ئەوی بینی وتی:«ئەمه هەمان بەرخی خوایه کە گوناحی هەموو جیهان به خۆی ئەگرێ.»

یووحەنای تەعمیددەر بە عیسای وت : «من لایەق نیم کە تۆ تەعمید بدەم. ئەوه منم کە ئەبێ لە تۆ تەعمید بگرم.» بەڵام عیسا وتی:«من تەعمید بدە چون کاری دروست ئەمەیه.» ئینجا یووحەنا عیسای تەعمید دا، هەرچەند کە عیسا قەت گوناحی نەکردبوو.

ئەوکاتە کە عیسا تەعمیدی وەرگرت و لە ئاو هاتە دەر، ڕۆحی خوا وەکوو کۆترێک پەیدا بوو و هاتە خوارەوە ولە سەری نیشت و هەمان کات، دەنگی خوا لە ئاسمان هات کە:«ئەوەیە کوڕی من کە زۆرم خۆش دەوێ و زۆری لێ ڕازیم.»

خوا بە یووحەنای وتبوو:«ڕۆحی خوا بەسەر ئەو کەسە کە تۆ تەعمیدی ئەدەی دێت، ئەو کەسە کوڕی خوایه.» خوا یەکه و ئەوکاتە کە یووحەنا عیسای تەعمید دا، دەنگی خوای باوکی بیست. خوای کوڕ، یانێ عیسای بینی و ڕۆحی قۆدووسی لە جەستەی کۆتریشا بینی.