۲۷- چیرۆکی سامێری باش

ڕۆژێک یەکێک لە مامۆستاکانی ئایینی یەهوود هاتە لای عیسا. ئەو ئەیویست کە بیسڵمێنێت کە تەعلیمەکانی عیسا هەڵەیە. ئەو پرسی: «مامۆستا، ئینسان ئەبێت چی بکات تا ژیانی هەتاهەتایی بەدەس بێنێت؟» عیسا وڵامی داوە: «لە کتێبی تەورات سەبارەت بەمە چی نووسراوە؟»

ئەو پیاوە وتی: «خواوەند، خوای خۆتت بە تەواوی دڵ، بەتەواوی گیان، بەتەواوی هێز و بە تەواوی گومانەکانت خۆش بوێت. هاوسێکەیشت هەروەک خۆت، خۆش بوێت.»ئینجا عیسا فەرمووی: «دروس ئەڵێی! تۆش وابکە تا ژیانی هەتاهەتاییت ببێت.»

بەڵام ئەو زانا ئایینیه چون ئەیویست خۆی پاک نیشان بدات، جارێکی تر پرسی: «هاوسێی من کێیە ؟»

عیسا بە باس کردنی چیرۆکێک، وڵامی ئەو پێشەوا ئایینیە داوه: «پیاوێکی یەهوودی لە ئۆرشەلیم بەرەو ئەریحا لە سەفەرا بوو.

لە ڕێگە، چەتەکان هێرشیان بردە سەری و ماڵەکەیان گرت، کووتایان و جەستەی نیوە گیانیان لە قەراغ جادەکە وێڵ کرد.

دوای ئەوە، کاهێنێکی یەهوودی لەوێ تێپەڕ ئەبوو. ئەوکاتە کە ئەو پیاوەی کە لە ناو جادەکە کەوتوو، بینی، لە لایێکی تر لە جادەکه بە ڕێگای خۆی چوو و ئەو پیاوەی بە حسێبیش نەهێنا.»

تۆزێک دوای ئەوە، لاویێک گەییشت.(لاویان، قەبیلەیێک لە ئیسڕاییل بوون کە کاهێنانی مەعبەدیان یارمەتی ئەدا). ئەویش بە لایێکی دیکە دا ڕۆی و یارمەتی ئەو پیاوەی نەکرد.

ئەوکاتە پیاوێکی دیکە هات کە سامێری بوو. (سامێریان و یەهوودیەکان ڕەقیان لە یەکتر بوو). هەرچەند زانی ئەو پیاوە بریندارە یەهوودیە، بەڵام دڵی بۆی سووتا و برینەکانی شۆرد، مەرهەمی بۆ لێ داو و بەستی.»

ئینجا پیاوە سامێریەکە ئەوی نا سەر وڵاخەکەی، بردیە مێوانخانەیێک و لەوێیش پەرەستاری لێ کرد.»

«بەیانی ئەو ڕۆژە، پیاوە سامێریەکە ئەبوایه بە سەفەرەکەی درێژەی ئەدا. ئەو کەمێک پارەی بە ساحێبی مێوانخانەکە دا و وتی: «ئاگاداری ئەم کەسە بەو ئەگەر زیاتر لەمە خەرجی کەیت، ئەو کاتە کە بگەڕێمەوە پێتی ئەدەم.»

ئینجا عیسا لەو زانا ئایینیەی پرسی: «ئێستا بە عەقڵی تۆ کام یەک لەم سیانە، هاوسێ ئەو پیاوە بوو کە دزیان لێ کردبوو و لێیان دابوو؟» زانا ئایینیەکه وڵامی دا:«ئەو کەسەی کە دڵی بۆی سووتا.» عیسا وڵامی دا:«تۆش بڕۆ و وا بکە.»