۳۳- چیرۆکی جووتیار
ڕۆژێک عیسا لە قەراغی زرێچە خەریکی تەعلیم دان بە دەستەیێکی زۆر لە خەڵک بوو. ژماریان ئەوەندە زۆر بوو کە جێگای عیسا تەنگ بوو. کەواتە عیسا سواری بەلەمێک بوو کە لە قەراغ ئاو ڕاگیربوو و لەوێوه تەعلیمی خەڵکی ئەدا.
عیسا ئەو چیرۆکەی بۆ خەڵک گێڕاوە: «جووتیارێک بۆ کێڵانی دەنک چووه دەر. لە حاڵێک کە دەنکەکانی بۆ هەرلا ئەپرژاند، کەمێک لە دەنکەکان کەوتنە ناو ڕێگا و باڵەندەکان هاتن و هەموویانیان خوارد.»
«بڕێک کەوتنە سەر ئەو بەردانەی کە تۆزێک خۆڵیان لەسەر بوو. دەنکەکان لە سەر ئەو خۆڵە ڕۆکارە، زوو سەوز بوون. بەڵام ڕیشەکانیان نەیان ئەتوانی بچنە قووڵایی خۆڵەکەوە. لەبەر ئەوە کاتێک کە خوەرەتاوی بەتین، لێیان دەرکەوت، هەموویان سووتان و لەنێوچوون.»
« بڕێک لەو دەنکانە کەوتنە نێو دڕکەکان. دڕکەکان و دەنکەکان لەگەڵ یەکا گەشەیان کرد و چڵەکان گیا نوێکە لە ژێر فشار دڕکەکان تیاچوون و هیچ بەرەچەیێک پێک نەهات.»
« ژمارێک لە دەنکەکان کەوتنە سەر خۆڵی باش، لە هەر دەنکێک، سی، شەست و تەنانەت سەد بەرامبەر پێک هات.» هەرکەس کە ئەیەوێت ڕێڕەوی خوا بکات گوێ له قسەکانی من بگرێت.
شاگردەکان لە بیستنی ئەو چیرۆکە گێژ بوون. جا عیسا ئەوەی بۆ شی کردنەوە: «دەنک، وتەی خوایە. ڕێوبان، کەسێکە کە وتەی خوا ئەبیسێ بەڵام لێی تێ ناگا و شەیتان دێت و وتەی خوای لێ ئەدزێت. لە ڕاستیا شەیتان بەو کارەی ئیجازە نادا کە ئەو کەسە لە وتەی خوا تێ بگا.»
« زەوی بەردەڵان، کەسێکە کە تا وتەی خوا ئەبیسێ، بە خۆشحاڵی قەبووڵی ئەکات، بەڵام لە کاتی تەنگانە یا کاتێک کە خەڵک ئازاری پێ ئەگەیێنن، لە خوا هەڵ ئەگەڕێتەوە. بەجۆرێک که، ئەو کەسە چیترله بڕوا کردن بە خوا دەس هەڵ ئەگرێت.»
« زەویێک کە له دڕک داپۆشراوە، ئەو کەسەیە کە پەیامی خوا ئەبیسێ، بەڵام پەژارەکانی ژیان و دڵبەستنی بە پارە و بەدەس هێنانی شتی زۆر، دوای ماوەیێک له خۆش ویستنی خوا بەرگیری ئەکات. ئیتر ناتوانێ سەبارەت به وتەی خوا دڵی خوا خۆش کات. ئەو وەکوو هۆشە گەنمێکە کە هیچ بەرهەمێکی نابێت.»
« بەڵام زەوی باش، کەسێکە کە پەیامی خوا ئەبیسێت، بڕوای پێ ئەکا و بەر ئەهێنێ.»
چیرۆکێ وەرگیراوە لە کتێبی موقەددەس: ئێنجیلی مەتا فەسڵی ۱۳ ئایەی ۱تا ۸؛ فەسڵی ۱۳ ئایەی ۱۸ تا۲۳؛ ئێنجیلی مەرقۆس فەسڵی ۴ ئایەی ۱ تا ۸؛ فەسڵی ۴: ئایەی ۱۳ تا۲۰؛ ئێنجیلی لۆقا فەسڵی ۸ ئایەی ۴ تا۱۵
رایگان برای استفاده، اقتباس و اشتراکگذاری تحت مجوز باز (CC BY-SA 4.0).