۳۴- عیسا چەن چیرۆکی دیکە فێر ئەکات
عیسا چیرۆکی زۆری دیکەی سەبارەت بە پاشایەتی خوا گێڕاوە. بۆ نموونە وای فەرموو: «پاشایی خوا وەکو دەنکی شیمۆلکەیە کە کەسێک لە نێو زەوی وزارەکەی کێڵای. ئێوە بە باشی ئەزانن کە دەنکی شیمۆلکە چکۆلەترین دەنکە.»
«بەمەیشەو کاتێک کە دەنکی شیمۆلکە گەشە ئەکات، لە تەواوی گیاکانی باخ گەورەتر ئەبێت. ئەوەنده کە باڵەندەکان لە لای چڵەکانی ماندویی دەر ئەکەن.»
عیسا چیرۆکێکی دیکەی گێڕاوە و فەرمووی:« پاشایی خوا وەکوو هەویری ترشە کە ژنێک لەگەڵ هەویری نان تێکەڵی ئەکات تا لە هەمووی هەویرەکە بڵاو بێتەوە.»
«پاشایی خوا، وەکوو خەزێنەیێکە که کەسێک لە نێو زەوی وزارەکەی قایێمی کردبێت. کەسێکی دیکە پەیدای کردووە و دیسان لە ژێر خۆڵا شاردوویەتەوه و لە خۆشیا ڕۆیشت وهەرچێکی بوو فرۆشتی تا پارەی باش بە دەس بێنێت و ئەو زەوی وزارە وا خەزێنەکەی تیا بوو، بیکڕێت .»
مەلەکووتی خوا وەکوو مرواریێکی زۆر جوان و گرانبەهایە. تاجرێکی مرواری ئەوەی پەیدا کرد و هەرچێکی بوو، فرۆشتی تا بە پارەکەی بیکڕێت.»
لەوێ چەند کەسێک بوون کە گومانیان ئەکرد بە هۆی کاره باشەکانیان خوا قەبووڵیان ئەکات. ئەوان ئه و کەسانەی وا کاری باشیان نەئەکرد، سووک حسێبیان ئەکرد. جا عیسا ئەم چیرۆکەی بۆ گێڕانەوە: «دوو کەس چوون بۆ مەعبەد تا دۆعا بکەن. یەکێک لەوانە پێشەوای ئایینی بوو و ئەوەی تر کارپێکهێنەری ماڵیات بوو.»
«پێشەوا ئایینیەکه وێستا و ئاوا دۆعای کرد: «ئەی خوا شۆکرت ئەکەم کە وەک خەڵکی تر، گوناحکار، دز، زاڵم، زیناکار وتەنانەت وەکوو ئەم باج ستێنیشە نیم.»
دوو ڕۆژ لە حەفتە ڕۆژوو ئەگرم و لە تەواوی دەستکەوتەکانم، یەک دەی بە تۆ ئەدەم.»
«بەڵام ئەو باج ستێنە دوورتر لەو پێشەوا ئایینیه وێستا و بە کاتی دۆعا، تەنانەت سەریشی بەرەو ئاسمان بەرز نەکردەوه، بەڵکوو بە مشت کوتایە سەر سینەی خۆی، وتی: «خوایا ڕەحمم پێ بکە، چونکە گوناح کارم!»
ئینجا عیسا درێژەی دا: «ڕاستان پێ ئەڵێم خوا دۆعای ئەو باج ستێنیەی بیست و عادڵ حسێبی کرد. خوا ئەو کەسە کە لە خۆڕازی بێت، سووکی ئەکات و ئەو کەسەی وا خۆ بە زل نەزان بێت، سەر بەرزی ئەکات.
چیرۆکی وەرگیراوە لە کتێبی موقەددەس: ئێنجیلی مەتا فەسڵی ۱۳ئایەی ۳۱تا۴۶؛ ئێنجیلی مەرقۆس فەسڵی ۴ئایەی ۲۶ تا ۳۴؛ ئێنجیلی لۆقا فەسڵی ۱۳ ئایەی ۱۸تا۲۱؛ فەسڵی ۱۸ ئایەی ۹تا۱۴
رایگان برای استفاده، اقتباس و اشتراکگذاری تحت مجوز باز (CC BY-SA 4.0).