۳۶- گوڕانی ڕوخساری مەسێح

ڕۆژێک، عیسا سێ کەس لە شاگردەکانی یانێ پێترۆس، یاقووب و یووحەنای هەڵگرت و بردیانیە سەر کێوێکی بەرز تا پێکەوه دۆعا بکەن. (یووحەنایێک کە عیسای تەعمید دا، کەسێکی دیکەیه)

لە کاتی دۆعا، ڕوخساری عیسا وەکوو خوەر درەوشا و جلەکانی وەکوو تیشک سپی بوو. بە جۆرێک سپی بوو کە لە سەر زەوی وەکوو ئەوە پەیدا نابێت.

ئەوکاتە مووسا و ئیلیای نەبی ئاشکرا بوون. ئەم پیاوانە، سەدان ساڵ پێش ئەم ڕووداوە لە سەر زەوی ژیانیان ئەکرد. ئەوان لەگەڵ عیسا سەبارەت بە مردنی کە بە زوویی لە ئۆرشەلیم ڕوی ئەدا، وتووێژیان کرد.

کاتێک کە مووسا و ئیلیا لەگەڵ عیسا لە وتووێژا بوون، پێترۆس بە عیسای وت: «چە باشه کە لێرەین. ئیزن بدە تا سێ سایەبان دروس بکەین؛ یەکێک بۆ تۆ، یەکێک بۆ مووسا و یەکیش بۆ ئیلیا.» پێترۆس نەی ئەزانی چی بڵێت.

هێشتا وتەی پێترۆس کۆتایی نەهاتبووکە هەورێکی بریقەدار هاتە خوار و ئەوانی لە بەرگرت و دەنگێک لە نێوان هەورەکە هات و وتی: «ئەمە کوڕە خۆشەویستەکەی منە کە لێی ڕازیم. گوێ بە قسەکانی بگرن.» ئەو سێ شاگردە لە ترسا کەوتن به ئەرزا.

عیسا دەستی لە سەر شانیان دانا و وتی:« هەستنەوە و مەترسن.» کاتێک کە ئەوان هەستانەوە، دەورو بەریان چاو لێکرد، بەڵام جگە لە عیسا کەسیان نەبینی.

عیسا و ئەو سێ شاگردە گەڕانەو بۆ خوار کێوەکە. ئینجا عیسا بەوانی فەرموو: «ئێستا لەوەی کە بینووتانه هیچ بە کەسێک مەڵێن. من بەم زووانە ئەمرم و دووبارە زیندوو ئەبمەوە. دوای ئەوە ئەتوانن بە خەڵکی تر بڵێن کە چیتان دیوە.»