۴۸- عیسا مەسیحای وادە دراوە

کاتێک کە خوا جیهانی به دیهێنا، هەموو شتێک کامڵ بوو و گوناح نەبوو. ئادەم و حەوا یەکتریان خۆش ئەویست و بە خواش خۆشەویستیان ئەدا. هیچ نەخۆشیێک و مردنێک نەبوو. ئەمە ئەو دنیایە بوو کە خوا ئەیویست.

شەیتان، لە ڕێگەی مارێک کە لە باخا بوو، لەگەڵ حەوا قسەی کرد، چون ئەیویست فریوی بدات. ئینجا ئەو و ئادەم گوناحیان کرد. بە هۆی نافەرمانی ئەوان، تەواوی ئینسانەکان مەحکووم بە مەرگن.

تەنانەت بەهۆی گوناحی ئادەم و حەوا کارەساتێکی مەترسیدار ڕووی دا. ئەوان بوونە دوژمنی خوا. لە ئاکامدا، لەو وەختەوه هەتا ئێستا، هەمووان گوناحیان کردووە. هەر کەسێک لەو کاتە دێتە دنیا دوژمنی خوایە. نێوان خوا و ئینسان پێوەندیێک ئاشتیانە نەبوو، بەڵام خوا ئەیویست ئاشتی جێگیر بێت.

خوا وادەی دا کە کەسێک لە نەسڵی حەوا سەری شەیتان ئەکوتێ و شەیتان لە پاژنەی ئەو ئەیات. بەم مانایە کە شەیتان مەسیح ئەکوژێت، بەڵام خوا دووبارە زیندووی ئەکاتەوە. ئەو کاتە مەسیحی وادەدراو بۆ هەمیشە شەیتان لە ناو ئەبات. دوای ساڵانێکی زۆر، خوا ئاشکرای کرد کە عیسا، هەر ئەو مەسیحای وادەدراوە.

خوا بە نووحی فەرموو کە کەشتیێک ساز بکات کە بنەماڵەکەی لەو بۆرانه کە ئەینێرێت ڕزگار کات. بەم جۆرە خوا کەسانێک کە ئیمانیان پێی بوو، ڕزگاری کرد. بەم جۆرەش له لایان خوا هەموو ئینسانەکان سەبارەت بە گوناحەکانیان شایانی مردنن ، بەڵام خوا عیسای نارد تا هەر کەس کە ئیمانی پێ بێنێت، نەجاتی بدات.

بۆ سەدان ساڵ، کاهێنەکان بۆ ئینسانەکان بە دەرگای خوا قوربانیان ئەکرد. ئەم کارە بە خەڵک نیشانی ئەدا کە گوناحیان کردووەو لایەقی سزادانێک لە لایانی خوان. بەڵام ئەو قوربانیانە نەیئەتوانی بێتە هۆی لێ خۆشبوونی ئینسانەکان. عیسا کاهێنی گەورەیە. ئەو کارێکی کرد کە کاهێنەکانی دیکە نەیانئەتوانی ئەنجامی بدەن. ئەو خۆی فیداکرد تا قوربانی بۆ گوناحەکان بەشەر پێک بێنێت. ئەو قەبووڵی کرد تابە هۆی گوناحەکانی هەمووی ئینسانەکان، سزا بدرێت. هەر له بەر ئەوەیه که عیسا کاهێنی گەورەیە.

خوا بە براییمی وتبوو: «لە ڕێگەی تۆ تەواوی تیرەکانی جیهان بەرەکەت ئەدەم.» عیسا لە نەسڵی براییم بوو. خوا هەموو قەومەکانی جیهان له ڕێگەی براییم بەرەکەت ئەدات. چونکە هەر کەسێک کە بە عیسا ئیمان دێنێت، لە گوناح ڕزگار ئەبێت. کاتێک کەخەڵک بە عیسا ئیمان دێنێن، خوا ئەوان لە نەسڵی براییم به حیساب دێنێت.

خوا بە براییمی فەرموو تا کوڕەکەی، ئیسحاقی بۆ قوربانی بکات. بەڵام خوا بەرخێکی بە جێی ئیسحاق بۆ نارد تا قوربانی بکات. هەمووی ئێمە سەبارەت بە گوناحەکانمان شایانی مردنین! بەڵام خوا عیسای بە دنیا بەخشی تابە جێگەی ئێمە قوربانی بکرێت و بمرێت. بەم بۆنەوە عیسامان بەرخی خوا ناو ناوە.

کاتێک کەخوا دوایین بەڵای بۆ میسر نارد، بە هەر بنەماڵەیێکی ئیسڕاییلی فەرموو تا بەرخێک بکوژن. ئەم بەرخە پێویست بوو بێ عەیب بێت. ئینجا ئەوان ئەبوا خوێنی ئەوەیان ئەپرژاندە سەر و لای دەرگاکانیان. کاتێ کە خوا ئەو خوێنەی ئەدی، لەو ماڵانە ڕەت ئەبوو و کوڕەساواکانی ئەو ماڵەی ناکوشت. کاتێک ئەم ڕووداوه پێک هات، خوا ناوی نا پێسەخ.

عیسا وەکوو بەرخی جەژنی پێسەخە. ئەو هیچ هەڵەیێکی نەکردبوو وهەرگیز گوناحی نەکرد. ئەو لە هەمان ڕۆژانی جەژنی پێسەخ مرد. وەختێک کەسێ بە عیسا ئیمان دێنێت، خوێنی عیسا، تاوانی گوناحی ئەو کەسە ئەبێت. ئەڵێی خوا، بەسزا نەدانی، لێی ڕەت ئەبێت.

خوا لەگەڵ بەنی ئیسڕاییل پەیمانی بەست، چون ئەوان قەومێک بوون کە خوا هەڵیانی بژارد تا هی ئەو بن. بەڵام خوا ئێستا پەیمانێکی نوێی داناوە کە لەبەردەست هەمووانا بێت. هەر کەسێک لە هەر قەوم و تیرەیێک، چیتر ئەم پەیمانە قەبووڵ کات، تێکەڵی قەومی خوا ئەبێت، ئەو لەبەر ئیمان بە عیسا ئەبێته قەومی خوا.

مووسا پێغەمبەرێک بوو کە وتەی خوای به قوودرەت ڕائەگەیاند. بەڵام عیسا گەورەترینی پێغەمبەرەکانە. ئەو خوایە، ئینجا ئەوەی کە ئەنجامی دا و وتی، کار و قسەکانی خوا بوون. بەم بۆنەیه کە کتێبی موقەددەس، عیسای، وتەی خوا ناو ناوه.

خوا بە داوودی پاشا وادەی دا کە کەسێک لە نەسڵی ئەو بە ناوی پاشا هەتاهەتایە بە قەومی خوا حۆکوومەت ئەکات. عیسا کوڕی خوا و مەسیحای وادەدراوه و ئەو لە نەسڵی داوودە کە ئەتوانێت هەتاهەتایە پاشایی بکات.

داوود، پاشای قەومی ئیسڕاییل بوو، بەڵام عیسا پاشای تەواوی جیهانە! ئەو دیسان ئەگەڕێتەوه و بە عیداڵەت و ئاشتیەوە هەتاهەتایە پاشایی ئەکات.