۳- سیل

سالان سال^بعد زمين^سر آدمأن زيادأ بۊستيد. اؤشأن خایلی خشن ؤ شراشور بۊبۊستيد. بزين خۊدا تصميم بيگيفت کي همه زمينأ ايتأ پيله^سيل مرأ نابؤدأ کۊنه.

اما خۊدا نۊح جاراضی بو.اؤن درستکار^مرداي بو کی هؤ شراشور مردۊم ميان زندگی کودی. خۊدا نۊحأ جه خۊ اۊسه کۊدن طۊفان واخبرکود.اؤن نۊحأ دستوربدأ ايتأ پيله^کشتي چأکۊنه.

خۊدا نۊحأ بفرماست کي کشتي به درازي ۱۴۰ متر، پهنا ۲۳ متر ؤ بؤلندي ۵.۱۳ متر بسازه. نۊح وأستي هؤ کشتي سرو دار چوب مرأ سه مرتبه چاکونه. با یستیايتأ عالمه اۊتاق ؤ ايتأ درجک سقف دۊرۊن چاکونه. کشتي وأستي ايتأ امن جيگا نۊح ؤ أني خانواده رٔ ؤ همتا خؤشکي حيوانره ببه.

نۊح خۊدا جه ایطاعت بۊکۊد. اؤن ؤ أني سه تا پسر هؤتو کي خۊدا بۊگۊفته بۊ ،کشتي يأ چأکۊديد. هؤ کشتي ساختن سالأن سال طول بکشه چون خيلي پيله بو. نۊح مردۊمأ ايشتاو بدأ کي سيل خأيه بأيه ؤ اؤشأن واستي به خۊدا طرف واگرديد. اما اؤشأن نۊح گبانأ باور نۊکۊديد.

خۊدا همچنين فرمان بدأ کي نۊح ؤ أني خانواده غذا به اندازه کافي خؤشأنه ره ؤ حيوانات ره جمعأ کۊنيد. وختي همه چي حاضرا بۊبوست، خۊدا نۊحا بۊگفت: هاسه او زمات فأرسه کی او هشت نفر یعنی ،اؤن ؤ أني زن ؤ سه تا پسر ؤ أني عروسأن کشتي دۊرۊن بيشيد.

خۊدا جه هر نؤع حيوان و پرنده،ايتأ جوفت نر ؤ ماده نۊح رء أؤسه کۊد کی اؤشأن بتأنيد کشتي دۊرۊن بيشيد تاسيل مۊقع در امان بيبيد. خۊدا همچنین ،هفت تأ جوفت نر ؤ ماده جه حلال گوشت حيوانأن اۊسه کۊد، کي اۊشأنأ قورباني رٔ استفاده بۊکۊنه. وقتي همه تأن کشتي دۊرۊن بوشوئيدي، خۊدا کشتي درأ اۊشأنه پوشت سرجوفت کودو دوست.

بزين وارش چهل شونده رۊز اي کله ببارست وآب زیمین جاهاطوجوش کودی کی ، همه چي ،حتي پيله^کۊهانم، آب جیر بوشؤئيدي.

همه مؤجۊدأني کي خشکي سر زندگي ديبيد، هلاکأ بؤستيد. بجز اینسانان ؤ حيوانأن کشتي دۊرۊن. کشتي آب سر شناورأ بؤست ؤ همه چي کی اون درون نهبو جأ غرقأ بۊستن در امان بمانستید.

بزين کي وارش بئسأ ،کشتي پنج ماه آب سر شناور بۊ و هأ مدت دۊرۊن آب بجیر شؤنأ شروع بۊکۊد. بزين ايتأ رۊز کشتي ايتأ کوه سر جه حرکت بئسأ. اما دؤنيا هنو آب زير نهأ بۊ. بعد سه ماه کوه قله يأن نمايانأ بۊست.

بزین بعد چهل رۊز، نۊح ايتأ کلاچا اۊسه کود تا وامجه بيدينه زمين خوشکا بۊسته يا نه. کلاچ پرواز بۊکۊد اما هيچ خۊشک جيگائي نيافت.

بزين نۊح ايتأ کؤترأ اؤسه کۊد. اما کؤترم نتأنست خشک زمينأ بيافه، پس وأگردست نۊح ورجأ . ایتا هفته بعد ،نۊح هؤ کؤترأ اۊسه کۊد ؤ اي دفا کؤتر ايتأ تازه زيتون ولگ مرأ وأگردست! آب بينيشته بۊ ؤ گياهان رشد بۊکۊده بيد.

نۊح ايتأ هفته ده رافا بئسأ ؤ هؤ کؤترا سومي بار اۊسه کۊد. ایبار کوتر وانگردست.زمين آب خوشکا بۊسته بۊ ؤ کۊتر ايتأ جيگا خوره خوشک^زمين سر بيأفته بۊ.

دوماه بعد خۊدا نۊحأ بفرماست: «تۊ ؤ تي خانواده ؤ همه تأ حيوانأن کشتي جأ بيرون بأئيد. بارور بيبيد ،زای باوریدؤ زمينأ پورا کونيد.» ؤ بزین نۊح ؤ أني خانواده کشتي جأ بيرون بأموئيد.

بعد أن کي نۊح کشتي يأ ترکأ کۊد، ايتأ قوربانگاه چأکۊد جه حیوانانی کی به اع منظور باورده بو، اؤيأ قورباني بۊکۊد. خۊدایأ جه نۊح هأ کار خوش بأمۊ ؤ نۊح خاندانأ برکت بدأ.

بزین خۊدا اطویی قول بده : «ايبار دٔ زمينا انسانأن شراشور اعمال وأسي، سيل مرأ نابودأ نۊکۊنم؛هرچند اینسان دیل جه هو زاکی آلوده به گونایی.»

بزين خۊداؤند خو قول سب نشان، اولي يالمندأ <رنگين کمان> آسمان دۊرۊن نمایان بوکود. هر زمات يالمند آسمان ميان ظاهرأ به، خۊدا ؤ أني قۊم هؤ وعده يأ به خاطر اوريد.