2. گناهین دونیایه گلمه سی

آدم و اونینْ قادینِی خدا اونْلار اوچونْ یارادْدیغِی گِئزَل باغدَه خوشبخت یاشاییرْدیلار. لوچْلارینَه باخْمایاراق، اونْدَن اوتانْمیرْدیلار، چون کِه گناه هَلَه دنیایَه گَلْمَه میشدِی. اونْلارْ چوخْ وقتلَر باغدَه گَزیرْدیلَرْ و خدا نَنْ دانیشارْدیلارْ.

لاکینْ او باغدَه بیر حیلَه گَر ایلانْ واریدِی. ایلانْ قادینْدَن سوروشْدِی: »بو دوزْ دورْ خدا سیزَه باغدَه کِه بوتونْ دالْ-دَرختلَرینْ میوه لَرینِی یِئمَه یِی قاداغانْ اِئدیبْ؟ «

قادینْ جواب وئردِی: »بیزَه خیرْ ایلَه شَرّ تانیّنانْ دالْ-درختدَن باشْقَه بوتونْ اورْدَه اولانْ درخت لَرین میوه لَرینِی یِئیَه بیلَریْکْ. « خدا بیزَه دِئیمیشْدِی: »اگر او حَیات دَرختینْ میوه سیندَن یِئیْیَه نیز یا حتّا اونَه اَلْ وِئرَه نیز، اِئلَه جَه نیز. «

ایلانْ قادینَه دیدِی: »بو دوغرو دَئییل! سیز اِئلْمَه یَه جَهْ سیز. خدا بیلیر کِه او دَرختینْ میوه سینِی یِئیَندَه، خدا کیمِی یاخْشینِی پیسْدَن آییراجاقْسیز. «

قادینْ گِئردِی کِه او دَرختین میوه سِی گِئزَلْ و دادلِی گِئریْنیرْ. او کِه ایسْتَه ییرْدِی هَر شَئِیِ بیلْسینْ، اونَه گِئرَه او خاصْ دالْ-درخت دَن بیر میوه دَریبْ و یِئدِی. سونْرا او میوه دَن اَریْنَه دَه وِئرْدِی، او دَه او میوه دَنْ یِئدِی.

بیرْدَنْ اونْلارینْ گئزْلَرِی آچیْلْدِی و ایزْلَرِی لوچْ اولماقْلارینْدَن خَبرْدار اولْدولارْ. آدَم و قادینِی دالْ-دَرختین یارْپاقْلارِی ایلَه لوچْ اولْدوقْلارینِی اورْتْمَه یَه چالیشْدیلار.

سونْرا آدم و قادینِی خدا هینْ سَسْینِی اِئشیتْدیلَر کِه باغْدَه گَزَرْدِی. اونْلارْ ایزْلَرینِی خدا دَنْ قاییم اِئدیْلَر. خدا دیدِی: »آدم سَنْ هاراداسانْ؟ « آدم جواب وِئرْدِی: »مَن سَنینْ سَسِینِی باغْده اِئشیتْدیم و لوچْ اولْدوغومْ اوچونْ قورخْدوم و ایزیمِی قاییم اِئدیم. «

سونرا خدا آدَمدَن سوروشْدِی: »سَنَه کیم دیدِی کِه لوچْ و چیلْپاق سَنْ؟ قاداغان اِئدیییم دالْ-دَرختین میوه سینِی یِئدینْ؟ « آدم جواب وِئرْدِی: »مَنَه وِئرْدیینْ بو قادینْ، او میوه دَنْ مَنَه وِئردِی. « سونْرا خدا قادینْدَن سوروشْدِی: »بُو نَه ایشْ ایدِی کِه سَنْ اِئدینْ؟ « قادینْ دیدِی: »ایلانْ مَنِی آلْداتْدِی. «

خدا ایلانَه دیدِی: »سَنْ لَعْنَتْ لَنْدینْگ. قارینْ اوسْتَه سورونوبْ و تورپاقْ یئیَه جَه سَنْ. سَنْ و قادینْ بیر بیرینیزَه نِفْرَتْ ائدَه جَه سیز، مَنْدَه سیزینْ نَسْل نیزلَه قادینینْ نَسلِی آراسینْدَه دُشْمَنْچیلیک سالاجاغام. قادینینْ نَسْلینْ دَن بیریسِی، سَنینْ باشینَه سَنْ دَه اونونْ دابانینَه ووراجاقْسان. «

سونْرا خدا قادینَه دیدِی: »مَنْ سَنْ دوغاندَهْ آغْریلارینْنِی چوخْ آرْتیراجاغام. سیزْ اَرِی نیزِی چوخْ ایستیریزْ او دَه سیزَه حاکِم اولاجاقْ. «

خدا کیشییَه دیدِی: »قادینینْ سؤزونَه قولاق آسْدیغینیزَه و مَنَه اِطاعت اِئدْمَه یینَه گِئرَه، یِئرْ ایزِی سیزَه لعْنَت اِئدَه جَه و سیز دَه یِئمَکْ حاضِرلاماق اوچون چوخْ چالیشاجاقسیز. نهایت سیز اِئلَه جَه سیزْ و بَدَنیزْ تورْپاغَه قاییداجاق. « آدم ایزْ قادینینْ آدینِی حَوّا قویْدِی حَوّا یعنی یِئنِی حَیاتْ وِئرَنْ؛ چون کِه او، بوتونْ اِنسانْلارینْ آناسِی اولْمالیدیرْ. خدا اونلارِی حیوانْلارینْ دَریسینْدَنْ حاضِرْلانْمیشْ پالتارْلَه اورْتْدِی.

سونْرَه خدا بویورْدِی: »اینْدِی اِنسان بیزیم کیمِی اولوبْ یاخْشینِی پیسْدَنْ آییرابیلیرْ، اینْدِی گَرَکْ اونَه حَیاتینْ دالْ–درخت نینْ میوه سینْدَنْ یِئمَه یَه مانِع اولْلَکْ و اَبَدَه چَنْ یاشاماغَه اِجازَه وِئرْمَه یَکْ. « بِئلَه لیکْلَه خدا اونْلارِی او گِئزَلْ باغْدَنْ اِئشیگَه قووْدوْ. او قُدرتْلِی مَلَکْلَرِی باغْچانین گیریشینَه یاخینْ یِئرْلَشدیرْدِی کِه، حَیاتْ دالْ – دَرخْتینْ میوه سینِی یِئمَه سینْلَر.