3. سیل

اوزون ایلْلَر سونْرا، یِئر ایزینْدَه انسالارینْ سایِی آرْتیدِی. اونْلار او قَدَرْ شِدّتلِی و پیسْ اولْدیلار کِه خدا کاتَه بیر ضَربَه نَنْ بوتونْ دُنیانِی سِئل نَنْ مَحْوْ اِئدْمَک قَرارینَه گلْدِی.

لاکینْ خدا نوحدَن راضی خشنود اِئدِی. او پیسْلَرینْ آراسینْدِه یاشایانْ صالِح و عادِل بیر انسان اِئدِی. خدا نوحَه کاتَه طوفانلَه باغطْلِی قَرارینِی خَوَرْ وِئرْدِی. نوحَه دیدِی کِه کاته بیر کشتی قاییرتسین .

خدا نوحَه دیدِی کِه کِشتی نینْ اوزونْلوغو یوزْ و قیرخْ۱۴۰متر، اِئنِی یِرمِی ایچْ۲۳متر و بویِی اونْ ایچْ و یاریم۵. ۱۳متر اولْسین. نوح بو ایچْ قاتْلِی کِشتی نُی سَروْ یا آرچَه آغاجینْدَن قَه ییرْسینْ. کِشتِی نینْ گَرَکْ دامِی اوتاقلاری و آغوشْگَه لارِی چوخْ اولْسین. نوح کِشتِینِی بو جَتَه قَه ییرْدِی کِه تا نوح ایزِی و عائِلَه سِی و قوروداکِه حیوانْلارِی داشقینْ سیلْ و طوفانْدانْ قوروسونْ.

کِشتِی نینْ گَرَکْ دامِی اوتاقلاری و آغوشْگَه لارِی چوخْ اولْسین. نوح کِشتِینِی بو جَتَه قَه ییرْدِی کِه تا نوح ایزِی و عائِلَه سِی و قوروداکِه حیوانْلارِی داشقینْ سیلْ و طوفانْدانْ قوروسونْ. نوح انسالارا داشْقینْ و طوفانْلِی سیلین گَلَه جَه یینِی و خَلْقینگ خدائه قاییتْمالِی اولْدوقْلارینِی خَوَرْدار اِئدِی. لاکینْ خَلْق نوحونْ دیدیکْلَرینَه اینانْمادیلار.

خدا همچنین نوحه و عائِلَه سِی ایزْلَرِی و حیوانْلار اوچونْ کِفایَت قَدَرْ یِئمَک توپْلاماق اَمرینِی وِئرْدِی. هَر زاد حاضِر اولْدوقْدانْ سونْرا، خدا نوحَه دِئدِی کِه، سَکّیزْ نَفَرینْ، اونونْ قادینِی، ایچْ اوغلو و گلینْلَرِی نینْ کِشتییَه گیریشْمَه سِی وَقتِی نِی اونْلارا خَوَرْ وِئر دِی.

خدا نوحَه، هَر نوعْ حیوانْدان و قوشْدان بیر جوفْت اِرکَکْ نِی و دیشِی سینِی گوندردی کِه داشقین سیل زمانِی کِشتییَه گیرسین و ساغ و سلامت اولْسونْلار. همچنین خدا بوتونْ حیوانْلارْدان قورْبانْلیقْ اوچون اویْغونْ اولانْ یِئدِّی اِرکَکْ و دیشِی سینْدَن بیر جوفْت گینْدَرْدِی. هامی کِشتییَه گیرَنْده، خدا کِشتِی نین قاپیسینِی باغْلادِی.

سونْرا قیرخْ گینْ بوتون گِئجَه و گینْدیزْ یاغیشْ یاغْدِی و یِئردَن او قَدَرْ سو قایْنادِی کِه، هَر زادْ، حَتّا اوجَه داغْلار هَمْ سویونْ آستینْدَه قالْدِی.

بوتون موجودالار کِه قورو یِئرین ایستینَه یاشایاردیلار، سودَه بوغولدولار و تَلَفْ اولدولار. فقط اونلار کِه کِشتی نین ایچینه گیرودیلَر ساغ و سالِم قالْدیلار. کِشتی سویون اوزَرینْده اوزوبْ و اونون ایچینْدَه کِه هر زاد واریدِی سویَه باتماقدان خِلاصْ اولْدولار.

یاغیشْ دایانْدیقْدان سونْرا، کِشتی بئش آی سو اوزَرینْدَه اوزارْدِی و بو مدّت عَرضینْدَه سویون سطحِی آز-آز آشاغِی دؤشْمَه یَه باشْلادِی. بیر مَدتْدنْ سونْرا، بیر گینْ بیر داغْینْ ایسْتینْدَه کِشتی حَرکَتْدَن دایانْدِی. امّا، دنیا هَلَه دَه سویونْ آسْتینْدَه ایدِی. ایچْ آیْدان سونْرا داغْلارینْ چینْگِی گیرینْدِی.

قیرخْ گینْدَن سونْرا، نوح قورو تورْپاقْ و یِئری آخْتارْماغا بیر قارْغا گینْدَرْدِی. قارْغا اوچْدِی گِئدِی، امّا، قورو یِئرِی تاپمادی.

لاکین نوح گویَرچیْنی گینْدَرَنْدَن سونْرا. گویَرچینْ ده قورو یِئرْ و قورو تورْپاق تاپا بیلْمَه دِی و ناچارْلیقْدان نوحونْ یانینا قاییتْدِی. او بیر گَلَنْ هفته دَه گؤیَرْچینی یِئنیدَن باییرا گینْدَرْدِی و گؤیَرْچین زیتون یارْپاغِی نَنْ کِشتییَه قاییتْدی! سو یِئرَه چَکیلودِی بیتیکْلَر بویودورْلار.

نوح داها گَنَم بیر هفته گئزلَه دِی و اوچونچو دفعه گَنَه گؤیَرْچینْ گونْدَرْدِی. بو دفعه گؤیَرْچین گِئرِی و دالِی قاییتْدمَه دِی. سو چَکیلْمیشْ ایدِی و گؤیَرْچین قورودا ایزینَه یِئر تاپْمیشْدِی.

ایکِی آیْ سونْرا خدا نوحَه دیدِی: »عائِلَه نینْ و حیوانْلارینْلَه بیرْلیکْدَه کِشتی دَنْ چیخینْ. بَرَکَتْ لِی یوکْلِی و دولِی اولونْ، چاغَه و اولادْلار دُنیایَه گَتیرین و یِئر ایزینِی دولْدورونْ. « بِئلَه لیکْلَه نوح و عائِلَه سِی کِشتی دَن چیخْدیلار.

نوح کِشتی دَن چیخانْدان سونْرا، قُربانْگاه دیزَلْتدِی و بو مَقصَدلَه گَتیرْدییِی حیوانْلارِی قُربانْ وِئرْدِی. خدا نوحون ایشینْدَن راضی و خُشنود قالْدِی و عائِلَه سینَه دُعا اِئدِی و اونْلارا خیر و بَرَه وِئرْدِی.

سونْرا خدا بوجورْ وَعدَه وِئرْدِی: »انسانین پیسْلیینَه گیرَه بیر داها یِئر ایزینِی سیل نَن لعنت اِئدْمَزْ و اونْلارِی مَحْو اِئلَه مَز. بو ایشْ اوچون باخْمایاراق کِه انسان قَلبِی چاغالیقْدان گناه کاردِی. «

سونْرا خدا وَعْدَه سینَه اِشارَه اولاراقْ آسْمانْدا ایلْکْ گؤیْ قورْشاقّینِی یارادِی. آسْمانْدا گؤیْ قورْشاقِی گیرَنْدَه خدا و اونون قوم، و اونون وعده سِی نِی خاطِرلاییردِی.