39. عیسی نین سیناق و محاکمَه سی

گئجه یاریسی عَسْگرلَر عیسی نی سورغو –سوال ائدْمَک اوچون باش کاهِن نین ائوینَه آپارْدیلار. پِترس دَه اونْلاری اوزاقدان ایزْلَه ییردی. عیسی نی ائوَه گتیریلَنْدَه، پِترس قیزغین و ایسینْمَک اوچون اِئوین کِنارینْدا اوتون یانینْدا دایانْدی.

ائوین ایچینْدَه یَهودی رَهبرلَری عیسی نی سورغو-سوال ائدیلَر. اونْلار عیسی نی یالانْدان تُهمَت و اِتهام اِئدَن چوخْلو یالانْچی شاهِدلار گَتیرْدیلَر. لاکین، اونْلارین اِفادَه لَری عینی اولْمادیغی اوچون یَهودی رَهبرلَری اونون گناهینی ثابِت و ثوبوت ائدَه بیلْمَه دیلَر. عیسی دَه هئچ نَمَه دِئمَه دی.

نِهایت، باش کاهِن عیسی یَه باخیب و دِئدی: »بیزَه دئیین گئریم، سَن یاشایان و دیری خدایین اوغْلو مَسیح سَن؟ «

عیسی دئدی: هَه مَنَم، و مَنیم خدایین ساغ طَرفینْدا اوتوروب گؤیْدَن یِئرَه قاییداجاغیمی، بیر گین گِئرَه جَه سَن. « عیسی نین سِئزْلَرینْدَن غَضَبْ لَنَن باش کاهِن پالْتارینی جیریب و او بیر دین رَهبرلَرینَه قیشْقیرْدی: »بیزَه داها شاهِد لازم دِئییل. هامی نیز اونون مَن خدایین اوغْلویام دئدیینی ائشیدینیز. نَه رای و سَس وئریرْسیز؟ «

یَهودی رَهبرلَری نین هامی سی باش کاهِن نین جَوابینْدا دئدیلَر: »او ائلْمَه یَه لاییق دیر. « سونْرا عیسی نین گِئزْلَرینی باغْلادیلار اییزینَه توپورْدولار دؤیْدولَر و اَلَه سالْدیلار.

پِترس ائوین کنارینْدا دایانْمیش ایدی. بیر قولْلوقچو اونو گئردی و دئدی: »سَن دَه عیسی نین یانینْدا ائدین؟ « پِترس اِنکار و تَکذیب ائدی. بیر آزدان سونْرا باشْقا بیر قولْلوقچو اونا عینی شو سِئزی دِئدی و پِترس یِئنَه بونو دا اِنکار ائدی. نِهایت، اورادا دورانْلار اونا دئدیلر: »بیز بیلیریک کِه سَن عیسی نین اؤیْرَنْجی لَریندن سَن، چونِکه سَن دَه جَلیلی سَن. «

سونْرا پِترس آنْد ایچیب و دئدی: »اگر مَن بو آدامی تانی سام، خدا مَنی لَعنَت ائلَه سین. « ایلَه بو وقت خوروز بانْلادی و عیسی دونوب پِترسه باخْدی.

پِترس گِئدی و آغْلادی. عینی زمانْدا ساتْقین یَهودا یَهودی رَهبرلَری نین عیسی نی اِئلیمه مَحکوم ائدیینی گِئرْدی. کَدَرْ اونو بؤرودو، گِئدی و اِنتهار ائدیب ایزینی اِئلْدیرْدی.

بو گینْلَردَه روم والیسی پیلاتس یَهودیَه یؤزَرینْده حُکْم دارلیق اِئدیرْدی. یَهودی رَهبرلَری عیسی نی اونون یانینا آپارْدیلار. اونْلار ایسْتَه ییرْدیلَر کِه پیلاتس عیسی نی اِئلیمَه مَحْکوم اِئدسین. پیلاتس عیسی دان سوروشدو: »سَن یَهودلَرین پادشاهی سَن؟ «

عیسی جَواب وِئرْدی: »دوغْرو دئییرْسن. امّا، مَنیم سِلْطنَتیم یِئر اییزینْدَه دئییل. بِئلَه اولْساییدی، ایزْلَه ییچیلَریم مَنیم اوچون دؤیوشورْدولَر. امّا مَن بو دونیایَه هَر کَسَه خدا حَقّینْدَه حقیقتی سؤیلَه مَک اوچون گَلْمیشم. حقیقتی سِئوَن هَر کَس مَنی دینْلَه یَه جَک. « پیلاتس سوروشدو: »حقیقت نَه دیر؟ «

عیسی دانیشْدیقْدان سونْرا پیلاتس جَماعَتین یانینا چیخیب و دِئدی: »من بو آدامَه اِئلیمَه لاییق هِئچ بیر گناه گِئرْمَه دیم. « لاکین یَهودی رَهبرلَری و جَماعَت »اونو چار میخَه چَک! « دِئیَه قیشْقیرْدیلار. بو حالْدا پیلاتس جَواب وِئردی: »اونون گناهی یوخْدور. « امّا، بو دَفعه داها یوکْسَک سَسْلَه قیشْقیرْدیلار. سونْرا پیلاتس اوچونْچو دَفعه دِئدی: »اونون گناهی یوخْدور. «

اِغْتِشاش اولاجاغینْدان قورْخان پیلاتس عیسی نی قَبول اِئدی و چار میخَه چَکْمَک اوچون اونو عَسگرلَرینَه تَسلیم اِئدی. روملی عَسگرلَر عیسی نی قامچی ایله ووردیلار، اونا پادشاه پالْتاری گئیینْدیرْدیلر و باشینا تیکانْلارْدان تاج قویْدولار. سونْرا اِستِهْزاء ایلَه دِئدیلر: »یاشاسین یَهودیلَرین پادشاهی. «