40. عیسی چارمیخَه چَکیلْدی

عَسگرلَر عیسی نی اِستهزاء اِئدیکْدَن سونْرا، اونو چارْمیخَه چَکْمَک اوچون، اونو ایشیگه چیخارْدیلار. اونو چارْمیخ نی داشینْماغا مَجبور اِئدیلر.

عَسگرلَر عیسی نی جُلجُتا )باشین کلّه و جُمْجُمَه سی(آدلی یِئره آپارْدیلار و اونون اَلینی آیاغینی چار میخَه میخْلادیلار. لاکین، عیسی دئدی: »آتا! بو اِنسانْلاری باغیشْلاسان، چونکِه اونْلار نَه ائدیکْلَرینی بیلْمیرلَر. « پیلاتس نین اَمْر ایلَه اونون باشی نین یؤزَرینه بِئلَه بیر یازی قویْدولار: »بو یَهودیلَرین پادشاهی دیر. «

سونْرا عَسگرلَر عیسی نین پالْتاری اوچون پوشْک آتْدیلار. بونونْلا مُقدّس کِتابین اؤنْجَه دَه خَبر وِئرْدیی یِئرینَه یِئتْدی: »گِئییم و پالْتارْلاریمی ایز آرالارینْدا بؤلْدولَر و پالْتاریم اوچون پوشْک آتْدیلار. «

عَسگرلَر عینی آنْدا ایکی اوغْرونون چارْ میخَه چَکدیلَر و عیسی نی اونْلارین آراسیندا چار میخَه قویْدولار. اونْلاردان بیری عیسی نی اَلَه سالیرْدی، او بیری ایسَه اونا دِئدی: »خدا دان قورْخْمورسان؟ بیز گناه کاریق، امّا، بو آدام گناه سیردیر. « سونْرا عیسی یَه دِئدی: »ای عیسی! سِلطنتینْدَه منی خاطِرلایین. « عیسی اونا جَواب وئردی: »بو گیون سَن مَنیمْلَه بیرْلیکْدَه جَنّتدَه اولاجاق سان. «

یَهودی دین رَهبرلَری و اورادا اولان اِنسانْلار عیسی نی اَلَه سالیب، دِئدیلَر: »اگر سَن خدایین اوغْلوسان چار میخ دان آشاغی اِئنْ و ایزینی خِلاص اِئد! او زمان بیز دَه سَنَه ایناناجاغیق. «

او وقت گین اورْتا اولْسادا، او اَرْضین هَر طَرفینی آسْماندا قارانْلیق اولْدو. بو تام قارانْلیق ایچ ساعَت دوام اِئدی.

سونْرا عیسی قیشْقیرْدی: »تام اولْدو. آتا، جانیمی سَنین الینه تاپْشیرْدیم. « سونْرا باشینی آشاغی سالیب، روحونو تَسلیم اِئدی. او وفات اِئدَنْدَه یِئر تیتیَره دی، و مَعبدین اِنسانلاری خدایین حضوروندان آییران کاتا پَرْدَه سینی )قُدس القُداس(، یوخاریدان آشاغیا دوغْرو ایکی یَه بؤلونْدو.

عیسی ائلیمی ایله انسانلارین خدایین حُضورونَه گَلْمَه سی اوچون بیر یول آچْدی. رومْلی مُحافظ چی بو حادِثَه لَری گئرَنْدَه، دئدی: »دوغْرودان دا بو آدام گناه سیز ائدی. او خدایین اوغْلو ائدی. «

سونْرا عیسی نین وعده ائدیلْمیش مَسیح اولْدوغونا اینانان یَهودی رَهبرلَرینْدن ایکی نفر، نیقودیموس و یوسف آدلی لار، پیلاتس یانینا گئدیب، عیسی نین جَسدینی تَحویل وِئرْمَه یی خواهِش اِئدیلَر. جَسدی کِتان پارْچایا بؤکوب داشْدان دوزلْمیش مَقبرَه نین ایچینَه قویْدولار و مَزاری باغْلاماق اوچون کاتا بیر داش قَبرین آغْزینی یووارْلادیلار تا قَبْرین آغْزی باغْلاسین.