41. خدا عیسی نی ائلی لر آراراسیندان دیریلدیر

عسگرلر عیسی نی چارمیخَه چَکدیکْدَن سونْرا، یَهودی خَلقین باشْچیلاری پیلاتسین یانینا گِئدیب و دِئدیلَر: »عیسی یالان دانیشْدی ائچ گیندن سونْرا ائلی لر آراسیندان دیریلَه جَک. اؤیْرَنْجی لَری اونون جَسدینی اوغْرولاماماسی ایچین ائچ گین مَزارین کشیکْچی سینی تَعیین اِئدْمَه لییک. اگر جَسدِی اوغْرولا بیلْسَه لَر، او زمان اونین ائلیم دَن دیریلْدیینی اِدعا اَئدَه جَکْلَر. «

پیلاتس دئدی: »ائزینیزلَه عَسگر گئتَرین و مَزاری باجارْدیغیز قَدَرْ قورویون. « بونا گِئرَه دَه قَبرین گیریشینْدَه داشی قویوب و اونو مُهورْلَه موم اِئدیلَر تا جَسدی هئچ کیم اوغْرولاماسین. اونی قوروماف ایچین، عَسگرلَر قویْدولار.

عیسی نین دَفینین گِئچَن گینی، یِئنی شنبه گینین ایشْلَه مَکْ قاداغان اِئدیلْدیی ایچین عیسی نین دوسْتلارینْدان هئچ بیری قَبرین اوستونَه گِئده بیلْمَزیدی. لاکین، اِئرتَه سی گین سَحر تِئزْدَن بیر نِئچَه قادین عیسی نین مَزارینَه گِئدْمَه یَه و عیسی نین بَدنینَه عَطر وورماغا حاضر اولدیلار.

قادینْلار اورا چاتْمامیش تورْبَه نین یانینْدا گوجلو تَپَریْم /زلزله/اولْدو. آسماندان بیر مَلَکْ یِئرَه اِئنَرَه کْ، قَبرین گیریش داشینی قیراغا یووارْلادی و اوستونْدَه اوتورْدو. او مَلَکْ آسمانبن بَرق یا شیمشَه یی کیمی پاریلْداییرْدی. مُحافِظ چیلَر اونو گِئرَندَه ائلَه قورخْدولار کی ائلمیش کیمی یِئرَه ییخیلْدیلار.

قادینْلار مزاره چاتانْدا، مَلَک اونْلارا دِئدی: »قورْخْمایین! عیسی بورادا دئییل. او وَعده اِئدیی کیمی ائلی لَردَن دیریلْدی. قَبرین ایچینَه باخین و گِئرین. « قادینْلار قَبْرین ایچینَه باخْدیلار و عیسی نین جَسَدِی نین هارا قویولْدوغونو گئردیلر، لاکین جَسَدی تاپْمادیلار.

سونْرا مَلَک قادینْلارا دِئدی: »گِئدین و اؤیْرَنْجی لَره دِئیین عیسی ائلیرلَر آراسینْدان دیریلْدی و سیزدَن اوّل جَلیلَه یَه گِئدَه جَک. «

قادینلار سِئوینب تَعَجُب اِئدَرْکَن اؤیْرَنْجی لَره خوش خَبر چاتْدیرْماق ایچین گِئدیلَر.

قادینْلار اؤیْرَنْجی لَره بو خوش خَبری چاتْدیرْماق ایچین قاچارْکَن بیرْدَن عیسی اونْلارا گِئرینْدی. اونا سُجدَه اِئدیلَر. عیسی اونْلارا دِئدی: »قورْخمایین! گِئدین و اؤیْرَنْجی لَریمَه دِئیین جَلیلیَه گِئدسینْلَر مَنی اورادا گِئرَه جَکْلَر. «