42. عیسی نین آسمانا قاییدماسی

خدا عیسی نی دیریلْتدِیی گین اؤیْرَنْجی لَرینْدَن ایکیسی یاخینْداکی شَهرَه گِئدَرْکَن عیسی نین باشینا گلَنْلر حقّینده دانیشیرْدیلار. اونْلار عیسی نین وَعدَه اِئدیلْمیش مَسیح اولْدوغونا اومید اِئدیرْدیلَر، لاکین او ائلْدیریلیب. اینْدی قادینْلار اونون یِئنیدَن دیریلْدِیینی دئییرْلَر، لاکین اؤیْرَنْجی لَر نِئیه ایناناجاقْلارینی بیلْمیرْدیلَر.

عیسی اؤیْرَنْجی لَرینه یاخینْلاشیب و اونْلارلا دانیشْدی. لاکین، اونْلار اونو تانیمیرْدیلار. عیسی اونْلارْدان نَه دانیشْدیقْلارینی سوروشدو. اونْلار عیسی یَه دِئدیلَر بیر نِئجَه گینْدَن سون عیسی نین باشینا گلَن حادِثَه لَردَن دانیشیرْلار. اونْلار ائلَه بیلیرْدیلَر عیسی اورشلیم دَه کی حادِثَه لَردَن خَبرسیز و بیر غَریبَه کیمین دیر.

سونرا عیسی اونْلارا خدایین کَلِمَه لَرینین مَسیح حقّینده دِئدِیینی ایضاء اِئدی. اوزون مُدَت اوّل پیغمبرلَر دِئدیلَر پیس آدامْلار مَسیحَه ایشْکَنْجَه وِئریب و اونو اِئلْدیرَه جَکْلَر، لاکین او اؤچونْچو گین یِئنی دَن دیریلَه جَک.

ایکی کیشی مَقصد یِئرینَه چاتانْدا، گِئجَه یَه آز قالمیش اِئدی. اونْلار عیسی نی گِئجه اونْلارلا قالْماغا دَعوت اِئدیلَر و عیسی دَه اونْلارلا بیر ائوَه گیرْدی. اونْلارین شام سُفْرَه سی آرْخاسینْدا، عیسی چِئرَه یِی گِئتَرْدی و شؤکور اِئدیب، چِئرَه یی پارْچالادی. بیرْدَن گِئزْلَری آچیلْدی و در حال اونو تانیدیلار. لاکین عیسی هَمین آنْدا اونْلارین گِئزینْدَن ایتْدی.

ایکیسی بیر-بیرینَه دِئدیلَر: »او عیسی اِئدِی، بونا گِئرَه دَه اَنجیلین کِتابین مَضمونو بیزَه ایضاح اِئدَنْدَه یؤرَه ییمیز دؤیونورْدو. « سونْرا در حال اورشلیمَه قاییتْدیلار و اورا چاتانْدا اؤیْرَنْجی لَره دِئدیلَر: »عیسی ساغ و دیری دیر! بیز اونو گئرمیشیک. «

اونْلار دانشانْدا بیرْدَن عیسی اونْلارین آراسینْدا چیخْدی و دِئدی: »سیزَه سَلام اولْسون! « اؤیْرَنْجی لَر بیر روح گِئردیکْلَرینی ظِنْ اِئدیلَر، لاکین، عیسی دِئدی: »نِئیَه قورخْدونوز! مَنیم عیسی اولْدوغوما شُبْهَه اِئدیرْسیز؟ ال-آیاغیما باخین، روحْلارین مَنیم کیمی بَدَنْلَری یوخْدور. « اونْلارا بونون روح اولْماغینی گؤسْتَرْمَک ایچین اونا یِئمَک وِئرْمَه لَرینی ایسْتَه دی. اونا بیر پارْچه بالیق وِئرْدیلَر و عیسی اونو یِئدِی.

عیسی دئدی: »مَن سیزَه دِئدیم خدایین کلامینْدَه مَنیم حَقّیمده دئییلَنْ لَر مُطلَق یِئرینَه یِئتْمَه لیدیر. « سونْرا عیسی اونْلارا خدایین سؤزونو داها یاخشی باشا دؤشْمَه یَه کؤمَک و یارْدیم اِئدی. او دِئدی: »قَدیم دورْلَردَن بَری پیغمبرلَرینْ کِتابلارینْدا یازیلیب، وَعدَه اِئدیلْمیش مَسیح عَذاب چَکْمَه لی، ائلْمَه لی و ایچینچی گین ائلیلَردَن دیریلْمَه لی دیر. «

»پیغمبرلَر دَه یازمیشْدیلار اؤیْرَنْجی لَریم خدایین کَلامینی اعلام و تبلیغ اِئدَه جَکْلَر و هامیَه توبَه اِئدْمَه لَرینی سؤیلَه یَه جَکْلَر. هَر کیم توبَه اِئدْسَه، خدا اونون گناه لارینی باغیشْلایار. اؤیْرَنْجی لَریم اورشلیم دَن بو خَبری تبلیغ اِئدْمَه یَه باشْلایاجاق، سونْرا بوتون ملّت لَره و هَر یِئرَه گِئدَه جَکْلَر. سیز مَنیم سِئزلَریمین، حَرکت لَریمین، باشیما گلَن بوتون حادثه لَرین شاهِدی سیز. «

دیریلیکْدَن سونْرا قیرخْ گین عَرضیندَه عیسی اؤیْرَنْجی لَرینه دَفعه لَرلَه گِئرینْدی. حتّی بیر دَفعه ائزینی عین آنْدا بئش یوز دَن چوخ انسانه تَقدیم اِئدی. او مَختلف یولْلارا اؤیْرَنْجی لَرینَه ساغ اولْدوغونو ثَبوت ائدی و اونْلارا خدایین پادشاه لیغی حَقّینده اؤیْرَتْدی.

عیسی اؤیْرَنْجی لَرینَه دئدی: »خدا مَنه یَئرْدَه و آسماندا بوتون صِلاحیت و اِختیارلاری وِئریبْدی. بونا گِئرَه دَه گِئدین و بوتون ملّت لَری مَنیم اؤیْرَنْجیم ائدین و اونْلاری آتا، اوغول و مقدّس روحون آدی ایله تَعمید ائدین و سیزَه وئرْدِییم بوتون اَمرلَرَه نئجه عَمَل اِئدْمَه یی اونْلارا اؤیْرَتْدین. اونودْمایین کی مَن همئشه سیزیننَم. «

عیسی اِئلی لَر آراسینْدان دیریلْدیکْدَن قیرخْ گین سونْرا اؤیْرَنْجی لَرینَه دِئدی: »آتام مقدّس روحو گینْدَرْمَکْلَه سیزَه گوج وِئرَنَه قَدَرْ اورشلیم دَه قالین. « بونْدان سونْرا عیسی اونْلارین گِئزلَری اؤنونْده آسمانا قالْخْدی و بولودْدا گِئزْدَن ایتْدی. عیسی هَر شئی یَه حاکیم اولْماق ایچین خدایین ساغ طَرفینْدَه اوتورْدو.