۱۵. سرزمین موعود
آخِر، زِمُونِ وَ رَسِس کِه قومِ اسرائیل روئن وِ سَرزِمینِ موعود، یَعنی کنعان . دِ اوچِه شهری وِ نُومِ اریحا بی کِه دُور تا دُورِش وِ وَسیلَه دیواریا مُکَمی ویرداری مِوی. یوشع دو مُخبِر فِرسَن وِ اُو شهر. دِ اوچِه فاشِه وِ نُوم راحاب زِنِئی میکِرد. او مُخبِریانِه قایِم کِرد وِ تِه خُش، کُمَکِشُو کِرد کِه دِ شهر بَجیئَن. او سییَهکِه وِ خدا ایمان داشت ای کارِه اَنجُوم دَ. مُخبِریا وِ راحاب قول دَن کِه وَختی اریحانِه نابود کِردِن، ویردار او ئو خانِوادَهش بووَن.
سی اُومایِن وِ سَرزِمینِ موعود، اسرائیلییا بایس دِ رو اردن کِل مِوین. خداوند وِ یوشع گُت: «کاهنیانِه وا نِها بَفِرِس.» وَختی کَف پا کاهنیا وِ آو رو اردن رَسِس، حرکتِ آو بَن اُما ئو اسرائیلییا تُونِسِن وِ ریی زِمی حُشک، وِ اولا رو کِل بووَن.
دِما وَ کِه قوم دِ رو اردن کِل بی، خدا وِ یوشع گُت کِه سی یورِش وِ شهر قدرتمَن اریحا، آمادَه بووَه. خدا وِ مَردِم گُت: کاهنیا ئو سَروازیا بایس شیش روز، روزِی یِه گِل دُور شهر رَه رُوئَن. اوسِه کاهنیا ئو سَروازیا ای کارِه اَنجُوم دَن.
دِ روز هَفتِم، اسرائیلییا بایس هَفت گِل شهرِه دُور بَزِنَن، اوسِه کاهنیا پُف بَکَن دِ شیپور خُشُو ئو هَمَه مَردِم بَقارِنَن. اونُو ای کارِه اَنجُوم دَن.
اوسِه دیواریا دُور تا دُور اریحا ریختِن. اسرائیلییا هَمَه چیا مین شهرِه، وِ ریی فِرمُون خدا نابود کِردِن. تَنیا راحاب ئو خانوادَهش کِه وِ اسرائیلییا اضافَه بین، مَنِن دِ اَمُون. وَختی قومیائی هَنی دِ سَرزِمینِ کنعان، فَمِسِن کِه اسرائیلییا اریحانِه ویرُون کِردِنَه، اُفتان دِ هُول کِه نَکَه قومِ اسرائیل وِ اونُو هَم یورِش بُورَن.
خدا وِ قومِ اسرائیل فِرمُون دِئی کِه وا هیچ طایفِه دِ کنعان، پیمُون دوسی نَوَنَن. اَما یَکی دِ طایِفَهیا کنعانی وِ نُوم جبعونییا، وِ یوشع دِرو گُتِن ئو اِدا کِردِن کِه دِ جائِی دیر دِ کنعان اُمانَه. اونُو دِ یوشع حاستِن تا واشُو پیمُون دوسی بَوَنَه. یوشع ئو بَقیَه رَبَریا اسرائیل، بی شُور وا خدا، وا جبعونییا پیمُونِ صُلح، دوسی بَستِن.
دِما سِه روز، اسرائیلییا فَمِسِن کِه جبعونییا دِ راسی مالِ کنعانَن. وِ ای خاطِر، دِ حُقَه بازی اونُو عَصَبُونی بییِن . اَما پِیمُون صُلحِه واشُو نَشکِنان، سییَهکِه اُو پِیمُون دِ تِی خدا بَستَه بیئی. قَری دِما وَ، پادشایا طایفِه ی هَنی دِ کنعانییا وِ نُوم امورییا، وَختی شِنَفتِن کِه جبعونییا وا بنیاسرائیل پِیمُون صُلح بَستِنَه، وا یَکتِری هُم پِیمُون بین، قُشون خُشُون جَم کِردِن ئو یورش بُردن وِ جبعونییا. جبعونییا دِ یوشع کمک حاستِن.
یوشع قوشن اسرائیلِ جَم کِرد. اونُو تَمُومِ شُو دِ رَه بییِن تا رَسِسِن وِ جبعون. صُو زیی اموریانِه غافلگیر کِردِن، وِشُو یورِش بُردِن.
خدا اُو روز سی اسرائیل جَنگِس. او امورییانِه سرتپ وشو شیون، تِگریا گَپی دِ آسِمُو بارَن ئو خیلِی دِ امورییانِه کُشت.
ئو خدا کاری کِرد کِه اَفتاو دِ آسِمُو دِ حرکت بِئسَه، تا سَروازیا اسرائیلی زِمُونِ کافی سی شِکَس کاملِ امورییا داشتَه بان. خدا دِ اُو روز پیروزی، بُرد گَپی سی اسرائیلییا جور کِرد.
دِما یَه کِه خدا اُو لشکرییانِه شِکَس دَ، خیلی دِ طایفهیائی هَنی دِ کنعانییا، سی یورِش وِ اسرائیلییا وا یَکتِری هُم شُور بین. یوشع ئو اسرائیلییا وِ اونُو یورِش بُوردِن ئو نابودِشُو کِردِن.
ِما ای جنگیا، خدا بَر هَر طایفِه دِ اسرائیلِه دِ سَرزِمینِ موعود وِشُو بَخشَن. اوسِه خداوند آرُومِشِه دِ تَمُومِ مرزیا اسرائیل بَرقِرار کِرد.
چون یوشع پیر بی، هَمَه قوم بنیاسرائیلِه جَم کِرد وِ دُور یَک. اوسِه او اُوِرد وِ ویر مَردِم کِه اونُو قول دِئین، دِ عَدی کِه خدا وِ ریی کُوه سینا واشُو بَستی، فِرمُونبَری بَکَن. مَردِم قول دَن کِه وِ خدا وفادار بَمُونَن ئو دِ شریعتِ او فِرمُونبَری بَکَن.
مَتَلِی گِرِتِسَه دِ کِتآو مقدس: (کِتآو یوشع فصل ۱ تا ۲۴)
رایگان برای استفاده، اقتباس و اشتراکگذاری تحت مجوز باز (CC BY-SA 4.0).