۳۴. عیسی مَثَلیائی هَنی یاد مِئَه
عیسی مَتَلیا زیادی هَنی هَم دِبارَه پادشاهی خدا تَریف کِرد. مثلا چِنی گُت: «پادشاهی خدا چی دُون خردلَه کِه کسی دِ زِمینِش کاشت. شِما وِ خویی دُونیت کِه دُونَه خردل کُچِکتِرینه دُونَهیائَه.
«وا یکه وَختی دُونَه خردل سُز میکَه، دِ تَموم گیایائی هَنی گَپتِر مووَه. اُقَه کِه بالنهیا دِ مین شاخَهیاش شکتی در می آوردِن.»
عیسی مَتَلِی هَنی تَریف کِرد ئو گُت: «پادشاهی خدا چی خمیر تُرشیئَه کِه زَنی وَنِه وا آرد قاطی میکَه تا دِ کُل خمیر پخش بووَه.»
«پادشاهی خدا، چی گنجیئَه کِه کسی وَنِه دِ زِمینی قایِم کِردَه با. کسی هَنی وَنِه پیا کِرد ئو دُوارَه دِ زیر خاک قایِمِش کِرد ئو دِ شوق وِنَه رَت ئو هَرچی داشت فِرُوخت تا پیل وِ اندازه وِ دَس بیارَه ئو اُو زِمینی کِه گنج دِ مینش بی، بَخَرَه.»
«پادشاهی خدا، چی یِ مروارید قِشَنگِ گِرُونقیمَتَه کِه تاجری، اُو مرواریدِه پیا کِرد ئو هَر چی داشت، فِرُوخت تا وا پیلِش وَنِه بَخَرَه.»
دِ اوچِه کَسُونی بین کِه گمو میکِردِن وِ خاطِرِ کاریا خوشُو،خدا پسنشو کرده. اونُو بَقیَه مَردِمِه کِه کاریا خو نمیکِردِن کُچِک وِ حِسآو میاُوِردِن، اوسِه عیسی ای مَتَلِه سیشُو تَریف کِرد: «دو نفر رَتِن وِ معبد تا دُعا بَکَن. یَکِی دِشُو رَبَر مذهبی ئو اُو یَکِی باجگیر بی.
«رَبَر مذهبی هِسا ئو چِنی دُعا کِرد:«اِ خدا تونِه شُکر میکِم کِه چی بَقیَه مَردِم، گناهکار، دُز، ستمکار، زِناکار ئو حتی چی ای باجگیر نیسِم.»
دِ هَفتَه دو گِل روزَه مِیرِم ئو دِ کُل پیلیا ئو دَرُومَدی کِه وِ دَس میارِم، یِک دَهمِه مِئِم وِ تو.»
«اَما اُو باجگیر دیرتِر دِ اُو رَبَر مذهبی هِسا ئو مُوقَه دُعا، حتی سَر خُشِه ری وِ آسِمُو بُلِن نَکِرد، بلکه وا گُورمچ زَه وِ سینَه خُش، گُت: «خدایا وِ مِ رحم بَکُو، سییَهکِه گناه کارِم!»
اوسِه عیسی اِدامَه دَ: «حقیقَتِه وِ شِما مُوئِم؛ خدا دُعا اُو باجگیرِه شِنَفت ئو اونِه عادل وِ حِسآو اُوِرد. خدا هَر کَس کِه خودپسند با کُچِک میکَه ئو هَر کَس کِه خُشِه کُچِک بَکَه سربُلِن میکَه.»
مَتَلِی گِرِتِسَه دِ کِتآو مقدس: (انجیل متی فصل ۱۳ آیهیا ۳۱ تا ۴۶؛ انجیل مرقس فصل ۴ آیهیا ۲۶ تا ۳۴؛ انجیل لوقا فصل ۱۳ آیهیا ۱۸ تا ۲۱؛ فصل ۱۸ آیهیا ۹ تا ۱۴)
رایگان برای استفاده، اقتباس و اشتراکگذاری تحت مجوز باز (CC BY-SA 4.0).