۳۷. عیسی ایلعازَرِه زِنَه میکَه
پیائی بی کِه نُومِش ایلعازَر بی، او ئو دو خُوَئرِش مریم ئو مرتا، دِ دوسیا نِزیک ئو جون جونی عیسی بییِن. یِه روز، عیسی شِنَفت کِه ایلعازَر سخت مریضَه. وَختی عیسی ای خَوَرِه شِنَفت، گُت: «ای بیماری باعث مُردن او نِمووَه بلکه گَپی ئو جلالِ خدا، سی بَقیَه، دِ وَ دیاری مووَه.»
عیسی وا یَه کِه اونُونِ دوس داشت، دو روز هَنی دِ جائی کِه بی، مَن. دِما گذشت اُو دو روز عیسی وِ شاگِردیاش گُت: «بیایت وِ یهودییَه وِرگَردیم.» اَما شاگردیا گُتِن: «اِ استاد، هِه ای چَن روزِ پیش بی کِه مَردِم یهودییَه میحاسِن تونِه بَکُشَن!» عیسی دِ جِوُو گُت: «دوس اِیما ایلعازَر حُوفتیئَه ئو مِ بایس اونِه بیار بَکِم.»
شاگردیا عیسی جِوُو دَن: «خداوندا، اَر او حُوفتیئَه، حالش بیتِر مووَه.» اوسِه عیسی آشکارا گُت: «ایلعازَر مُردَه. شادم کِه دِ اوچِه نِویم تا شِما بَتُونیت وِ مِ ایمان بیاریت.»
وَختی عیسی وِ شهری کِه ایلعازَر دِش زِنِئی میکِرد رَسِس، چهار روز دِ مُردِنِ ایلعازَر گذشتی. مرتا رَت وا نِها عیسی ئو گُت: «سرورِم، اَر ایچِه بیئی، بِرارِم نمیمُرد. اَما مِ ایمان دارِم هَر چِی کِه تو دِ خدا بِهای، وِ تو میوَخشَه.»
عیسی جِوُو دَ: «مِ قیامت ئو زِنِئی هیسِم. هَرکَس وِ مِ ایمان بیارَه، حتی اَر بَمیرَه، زِنَه مووَه. هَرکَس وِ مِ ایمان بیارَه هیچ وخت نمیمیرَه. وِ ای حَرفِ مِ ایمان داری؟» مرتا جِوُو دَ: «اَ استاد، مِ ایمان دارِم کِه تو مسیح، پسرِ خدائی.»
اوسِه مریم رَسِس وِ تِه عیسی ئو اُفتا وِ پایاش ئو گُت: «سرورِم، اَر ایچِه بیئی، بِرارِم نمیمُرد.»عیسی دِ اونُو پُرسی: «کجا خاکِش کِردیتَه؟.» اونُو جِوُو دَن: «دِ ی قُوری. بیا ئو بئین.» اوسِه عیسی گِریوِس.
قُور ایلعازَر غاری بی کِه بَرد گَپی نیائین دَم دَرِش. وَختی عیسی رَسِس وِ قُور وِشُو گُت: «بَردِه بَزِنیت وا لا!» اَما مرتا گُت: «چهار روز دِ مُردنش گُذَشتَه. ایسِه دِ لَشِش بو کرده.»
عیسی جِوُو دَ: «مَر نَگُتِم اَر وِ مِ ایمان بیاری جلالِ خدانِه مِئینی؟» اوسِه اونُو بَردِه زَن وا لا.
اوسِه عیسی سِیل آسِمُو کِرد ئو گُت: «بُوئَه، تونِه شُکر میکِم کِه مِنِه میشنَوی. دُونِم کِه هَمیشَه وِ مِ گوش مِئی، اَما یَنِه وِ خاطِر مَردِمی کِه هان ایچِه گُتِم، تا ایمان بیارَن کِه تو مِنِه فرسَنیئَه.» اوسِه وا دَنگ بُلن فرمایش کِرد: «ایلعازَر، بیا وِ دَر!»
ایلعازَر، دِ حالی کِه بَدَنِش دِ کَفِه پیچِسَه بی، دِ قُور اُما وِ دَر. عیسی وِ اونُو گُت: «وازِش بَکیت تا بَتونَه رَه رُوئَه.» بُری دِ یهودییا سییَهکِه ای معجزَهنِه دییِن، وِ عیسی ایمان اُوِردِن.
اَما گپون مذهبی یهود حَسیدی کِردِن، اوسه وِ دُور یَک جَم بییِن تا نقشَه کُشتن عیسی ئو ایلعازَرِه بَکَشَن.
مَتَلِی گِرِتِسَه دِ کِتآو مقدس: (انجیل یوحنا فصل ۱۱ آیهیا ۱ تا ۴۶)
رایگان برای استفاده، اقتباس و اشتراکگذاری تحت مجوز باز (CC BY-SA 4.0).