۶. خدا سی اسحاق آمادَه میکَه
زِمُونی کِه ابراهیم وِ پیری ئو کُرِش اسحاق وِ جِوُنی رَسِسَه بی، ابراهیم یَکی دِ خدمتکاریا خُشِه وِ اوچنی که دِش و دیی اُمایَه بی ئو ولاتِ اِیلِش فِرسَن تا دِ اوچِه سی اسحاق زینِهی بیارَه.
دِما سفری دراز وِ وِلاتی کِه فامیلا ابراهیم دِش زِنِئی میکِردِن، خدا اُو خدمتکارِه وا لا رِبکا کِه نَوَه بِرار ابراهیم بی رَمُونی کِرد. او کُرزا بِرارِ ابراهیم بی.
رِبکا قَبول کِرد کِه دِ تِه خانواده اش رُوئَه ئو وا اُو خدمتکار رُوئَه وِ حُونَه اسحاق. دَرجا دِما رَسِسِنِش، اسحاق واش دُوئَت کِرِد.
دِما مُدَت زیادی، ابراهیم مُرد ئو خدا وِ خاطِر پِیمُونی کِه وا ابراهیم بَستی، اسحاقِ برکت دَ. یَکی دِ وَعدیا خدا دِ اُو پِیمُون یَه بی کِه ابراهیم، دویمون زیادی داشتوئَه. اما ربکا زینَه اسحاق نِمیتُونِس بَچَه دار با.
خدا هیشت وا دُعا اسحاق، ربکا لِفونَه آوِس بووَه. اُو دو بَچَه، وِرَز وِ دیی اُمایِن، دِ مینِ رحم ربکا، وا یَک قی میکِردِن ئو سی یه ، ربکا علتش دِ خدا پُرسی.
خدا وِ ربکا گُت: «تو دو کُر میاری وِ دیی. دِ هَر دکشُو دویمونِ جورواجوری دُرس موئه. اونُو هَمیشَه وا یَک هان دِ قی، اما دویمونِ کُر گَپتِر دِ دویمونِ کُر کُچِکتِر فِرمُونبَری میکَه.»
وَختی کِه کُریا ربکا اُمان وِ دیی ، کُر اَوَل، ریش سُور بی ئو لآری پُر دِ می داشت، اونُو نومِش نیان وِ عیسو. اوسِه کُر دوئِم دِ حالی کِه پَسَه پا عیسونِه گِرِتی دِ مین دَسِش اُما وِ دیی ، نُومِ اونِه نیان وِ یعقوب.
مَتَلِی گِرِتِسَه دِ کِتآوِ مقدس (کِتآوِ پیدایش فصل ۲۴ آیَهیا ۱ تا ۲۵ ئو فصل ۲۶)
رایگان برای استفاده، اقتباس و اشتراکگذاری تحت مجوز باز (CC BY-SA 4.0).