۱۰- دَه تا بِلا

خِدا ، موسی و هارون رِه آگاه هَکِردِه کِه فرعونِ چَندِه سَر سَخت هَسّه موسی و هارون فِرعونِ پَلی بوردِنه و باتنه: « اینتا پیغوم اسراییلِ خِدا ته وِسّه هِدا: مِه مردِمِ رِها هَکِن بورِن.» فرعون وشونِ گَپِ نشتوس بَیته وبِجای اینکِه بنی اسراییل رِه رِها هَکِنِه ، وشون ره ضَرب بِشتِه که اَیِم ویشتِر کار هَکِنِن.

اَی فرعون گِس نِدا که اسراییلیا ره رِها هَکنه، هَمینتاسّه خِدام ده تا ،بَد تِرین بلا ره مصریای َسر بَشِنیه.همین بِلاهای ِجه خِدا فرعون ره هالی هَکِردِه کِه ونه تِوانایی ، فرعون ومصریایِ خِداها تون ویشتره.

خدا نیلِ روخنه اوُ ره خون هَکرده. مُنتا ای فرعون بَنی اسراییل رِه رِها نکرده.

خدا تِمومِ مصر ره وَکِ جا مَشت هَکرده، فرعون موسایِ جِه بِخواسّه که هَر چی وَک دَرِه وِشونِ سَرزَمینِ جه یور هَکِنه، وَکا کِه نابود َبَئینه، اَی فِرعونِ دِل سَنگتِر بَیّه و نِشته کِه اسراییلیا مصرِ جِه در بُورن .

هَمینتاسِّه خدام لَلِ بلا وَ وِنِه پِشتِ سَر مَقِزِ بِلا ره رایی هَکرده. فرعون که این صحنه ره بَدیه، موسی و هارون رِه باته: اَگه اینتا بِلا ره اَمه جِه َرد هَکنین، اجازه دِمبه که مصر جِه در بورین. موسی دِعا هَکرده پِه، خدا اینتا بلا رِم وشونِ سرجه رَد هَکِردِه، منُتا فرعون دِل سنگتِر بَیّه وَ ای دِواره وشون ره نِشته که مصر جِه دَر بورن.

این سَفِه، خِدا یِتّا کار هَکرده که تِنا مِصریایِ حِیوونایِ دِلِه ناغِشی دَکِتِه وُ بَمردنه. ُمنتا فرعونِ دل خله سنگ بی یه و این کَشِم نِشته کِه وِشون َدر بوُرن.

خِدا موسی ره باته تا شِه دِ تا میسِ دِله کِلِن مَشت هَکِنه و فرعونِ چِشِ پیش هِوا سَر دِپاچه. موسی اینکاره که هَکرده اسراییلیا بِه کِنارهمة تنِ بَپِتِه کورک بّزوئه. مُنتا خِدا فرعون دل ره سنگ هَکرده و وِهِم نِشته که وشون دَر بُورن.

این کَش خِدا سنگِ تیریگِ بلا ره رایی هَکرده و ویشترِ محصولا ره نابود هَکِرده و صحرای حیوونا رم بَکوشته. فرعون، موسی و هارون ره بِخواسّه و باته: « ِمن ِشه دومبِه، اِسا گِناه هَکرِدمه و ِشما تونِّنی دَر بورین» اونگِدر موسی دِعا هَکرده و سنگِ تیریگِ وارش ،بَن بیَمو.

مُنتا فِرعون َای گِناه هَکرده َو شه دل ره سنگ واری هکرده و ِنشته که اسراییلیا ، دَر بُورن.

هَمینتاسّه خِدام اَتّه خَله باج کاک ِرِه مِصرِ دِلِه رایی هَکرده. وشونِم مَحصولی که سنگِ تیریگِ بلایِ جه بَمونِس بی یِه ره بَخِردِنه.

اونگدر خدام سیوئی بلا ره وشونِ سَر رایی َهکرده و سه روز وِنه دِم نوسّه. تموم جا اینطی سیو بَّیه که مصریا نَتّونِستنه ِشه سرِة جه دَر بوُرن. مُنتا اسراییلیایِ وَر سو دَیّیِه.

نُه تا بِلایی کِه مِصرِ سَر بیَمو ، اَی فرعون اسراییلییا ِره نِشته که مصرِ جه یور بورن. اِسا که وهِم نِخواسته خدای حرفِ بِشتوئه، خدام بِنا بَیتِه کِه آخری ِبلا ره رایی هَکِنه. اینتا بِلا باعث بونه که فرعون شِه نقشه ره دِگاردِنه.