۱۱- پِسَخِ جَشنِ

خِدا موسی و هارون ره فرعونِ پَلی رایی هَکِرده که وِره بَوِّن اِسراییلیا ره رِها هَکِنه.وِشون فرعون ره هُشدار هِدانه که اَگه اسراییلِ قوم ره رِها نَکِنه، خِدا وشونِ همه گَتِ ریکائون وَ حتّی مصرِ حیوونارِم کِشِنه. فِرعون اینتا گَپِ بِشتوسّه ُمنتا ُبووِر نَکِرده و اَیِِم خِدا ره گِس نِدا.

خِدا اونایِ وسّه که وره بووِر داشتنه،اَتّا راه آمادِه هَکِرده تاِ وِشونِ گَتِ ریکائون اینتا بِلایِ جِه جانِ سالم دَر بَوِرِن. هَر خِنِوار وِسّه که اَتّا سالِمِ وَرِه سیوا هَکِنه وُ قِربونی هَکِنِن.

خِدا اسراییلِ قوم ره بِفَرمِسّه:وَره خون ره ِشه سِرِة دَرایِ کِنّایِ تَن بَسوئن.وِشونِم وسّه که َوره گوشت ره کِباب هَکِرد بُوئن و فَطیرِ نونِ جا هُولئیتی بَخِرن .خِدا اَیِم وِشون ره بَفِرمِس بی یه که بَخِرد په دَسِّ پا هَکِنِن وُ بَته بَته مصرِ جه دَر بورِن.

اسراییلیا خِدایِ تِمومِ دَستورِ رِه ُمو به مُو انجام هِدانه. نصفه شو خِدا مصرَ جِه هِدار هَکِردِه و تمومِ گَتِ ریکائونِ مصرِ رِه از بَین بَوِرده.

خِدا تِمومِ اِسراییلیایِ سِره که وِشونِ دَرِ کِنّا ،خونِ نِشون ره داشتِه ، هِدار هَکِردِه. هرکَسِم که اون سره هایِ دِله دَی بی یِه ، وَرهٔ خونِ خاطِری در اَمون بَمونِسّنه.

منتا خِداوند مصریایِ سِرة جِه که ِوِره ُبووِر نِداشتِنه و ونه دَستورِگِس نِدا بینه ،هِدار نَکِردِه َو وِشونِ گَتِ ریکائون ره هِلاک هَکِردِه.

مصریایِ گَتِ ریکائون از دَم بَمِردِنه. فرعونِ گَتِ ریکایِ جِه بَیر تا اونتا غِلام که زِنّدونی بی یهِ ونه گَتِ ریکام بَمِرده. مصرِیا ره اَنده غم و غِصه سَر بَئیت بی یه که بِرمه ، موری کِرد بینه.

فرعون هَمون شُو، موسی و هارون ره ِشه پیش بَخواسّه وُ باته: «اسراییلِ قوم ره بَیرین و اِس نَکنین مِصرِ جِه دَر بورین.» مصریام ِوشونِ جا دَپیتِنه که زودتِر اونتا سَرزَمینِ رِه تَرک هَکنِن وُ بُورِن.