۴۳- کِلیسا شِروع بوُنِه

عیسی آسِمونِ دِلِه دَگِردِسِّه پِه، شاگردا هَمونطی که عیسی دَستور هِدا بی یِه، اورشلیمِ دِله بَمونِسِّنِه. ایماندارا هَمیشِه هِدی پَلی جَم بینه‌ تا دِعا هَکِنِن.

یهودیا هر سال اَتّا روز که وِنه نوم پِنتیکاست بیِ یِه که وشونِسِّه ارزش داشته رِه جَشن گیتِنه. اینتا جَشن؛ پِنجاه روز پِسَخِ جَشنِ جِه بوگذِشتِه پِه بی یِه. پِنتیکاست؛ هَمون گَنِّم تاشیِ جَشن بی یِه کِه یَهودیا گیتِنِه. وِشون هَر جایِ دِنیا کِه دَی بی بُون اون روز رِه اورشَلیمِ دِلِه جَمع بینِه تا هِدیِ جا جَشن بَیرِن. اَتّه هَفتِه بَئی په که عیسی آسِمونِ دِلِه بوردِه، هَمون سالِ پَنتیکاستِ جَشنِم وَر بَخِرد بی یِه.

اونگِدِر که همة ایماندارا اَتّا جا جَمْ بَی بینه، ناگِمون اَتّا وَنگ که تِنِّ وایِ واری زُوز کَشیِه بِشتوسِّنه. اَتِّ چی هِم تَشِ واری وِشون سَر اَلوُ بَکِشی یِه. اون گِدِر بیِ یِه که هَمِه روح‌ِ قِدّوسِ جه پِر بَئینه وُ خِدا رِه غریبِ زِوُونایِ جا پرستش کِردِنِه کِه شِه اون زِوونا رِه بَلِد نَی بینِه. روح‌ِ قِدّوس وِشون رِه اینتا تِوانایی رِه بِبَخشیِه که اَتّا غَریبِ زِوُون گَپْ بَزِنِن.

اونگِدِر اون آدِمایی کِه اورشلیم بیَم بینه، تا اینتا گَپ گَپِه رِه بِشتوسِّنِه، هِدی پَلی جَم بَیّنه تا بَوینِن چِی شی بَیِّه. وِشون بِشتوسِّنِه که ایماندارا خِدای گتِ کارا ره دَرِنِه دیگِرونسّه گِنِنِه. وِشون اینتا پیش آمِد جِه یِکِّه بَخِردِنِه. چونکه اونایِ گَپ وِشون رِه حالی بی یِه. وِشون کِشوَرِ دِلِه مَردِم چَنتا زِووُن گَپ زونِه. شاگِردا اسرائیلی بینِه و تِنا تونِسِّنِه زِوُونای آرامی، عِبرانی، یونانی گَپ بَزِنِن. مُنتا وِشون بِشتوسِّنِه کِه شاگِردا دَرِنِه وشونِ ماری زِووُنِ جا خِدای هَکِرده کار رِه گِنِنِه.

اَتی هِم گِتِنه شاگردا مَست بَئینه. امّا پِترُس هِرِسّا وُ وِشونِ رِه باته: «گوش هَکِنین! این مَردِم مَست نینه اینتا هَمون یوئیلِ پَیغُمبِر پیشگویی هَسِّه که خِدا بات بیِ یِه؛ آخِرین روزا، مِن شِه روح رِه تمومِ مَردِمِ سَر شَندِمه.»

آی اسرایلیا، عیسی اَتّا آدِم بیِ یِه کِه شاهکارایی هَکِرده تا شِه خِدرِه اِما رِه نِشون هَدِه تا اِما وِرِه بِشناسیم. وِه خِدای تِوانِ جا خَلِه عَجیب غریبِ کارا هَکِرده. شِما شِه دوُنِنِی، وِنِه کارا رِه بَدینی، مُنتا وِره صَلیبِ دار بَکِشینی»

عیسی بَمِرده، مُنتا خِدا مِردِه هایِ دِلِة جِه وِره راسْ هَکِرده. اینتا اون پَیغُمبِرِ پیشگویی هَسِّه که باتِه: تِه نِلِّنی تِه پاک و مُقَدِّسِ وَچة تَن گورِ دِله بَپیسه. اِما گِواه هَسِّمی که خِدا عیسی رِه مِرده‌های دِلِه جِه زِندِه هَکِرده.

«خِدایِ پی یِر، اِسا عیسی ره بِلِن ترین جایگاهِ آسِمون، شه راستِ دَسْ بِشتِه. عیسی همونطی که وَعده هِدا بیِ یِه روح‌ِ قِدّوس ره اَمه وِسّه رایی هَکِرده. اینکارا رِه که اَمروز وینِّنی و اِشتوننِی، روح‌قِدّوس اَنجام دِنِّه.»

«شِما عیسی رِه صلیبِ دار بَکِشینی، بوُوِر هَکِنین که خِدا وِره، خِداوند و مَسیح، نِشون هَکِردِه.»

پترُسِ گَپ خَلِه مَردِمِ دِل هِنیشته وُ وِشون رِه این رو اون رو هَکرده. هَمینتاسِّه وِنِه جِه و شاگِردای دیگه جِه بَپِرسینِه: «آی بِرارون، اِسا وِنه چِکار هَکِنیم؟»

پترس جِواب هِدا: «شِما هَمِه خِدایِ دَستِش هَسِّنی که شِمِه گِناها رِه بِبَخشِه. هَمینتاسِّه که ونِه خِدایِ وَر دَگِردین وَ عیسای نومِ جا تَعمید بَیرین. اونگِدِر خِدا روحِ قِدّوُس رِه اَتّه پیشکشِ واری شِما رِه بَخشِنِه.»

نزدیکِ ۳۰۰۰ تَن پترسِ گَپ رِه بشتوسِّنه و ایمون بیاردِنِه وُ عیسای شاگِرد بَئینه. وِشون اوُیِ جا تعمیدِ بَیتِنه و اورشلیم ایماندارایِ جَمعِ دلِه اضافِه بَئینِه.

ایماندارا هَمیشِک رسولای دَرسا رِه گوش کِردِنه. هِدی پَلی جَم بینِه، هِدی پیش خِراک خِردِنه و دِعا و نیایِش کِردِنه. وِشون، جَم دِلِه خِدا رِه پِرستش کِردنه و هرچی داشتِنِه هِدی جا رَسِت کِردِنه. مردِم وِشونِ خَوِری خار خار گَپ زونِه و هر روز آِدِمایِ ویشتِری ایمان ایاردِنِه. کِتابِ مُقَدِسّ جه بَئیته داستان :