10. ده بَلا

خدا موسی و هارون ر با خَوَر هاکِرده که فرعون سرسخت بونه. موسی و هارون بَشِنِه فرعون پیش و بُگُتنه: »این پِغوم اسرائیل خدا تِوْ هَسّـِه: مِه قوم رَ وِل هاکون تا بوشون. فرعون اُشِنِ حرف ر نُشنی بَگته و به جای وِل ها کردِنِ قومِ بنی اسرائیل اُشن ر مجبورها کرده تا سخت تر از قبل کارها کُنَن.

فرعون همنتی از وِل کِردَنِ قوم اسرائیل نافرمونی ها مَکِردِه. همینِو خدا ده تا بَلای وَحشتناک مِصِر و برسّیئِه. خدا از بَلاها، فرعون ر نَشون بَدائِه که اِ قُدرت از فِرعون و همه خدائون مصر ویشَر هَسّـِه.

خدا رود نیلِ او ر تبدیل به خین ها کردِه. ولی فرعون هَمنتی قومِ اسرائیل ر وِل نَکردِه.

خدا تَمومِ سرزمین مِصرِو از وَک پُرها کردِه. فرعون موسی جَن بَخواسّه که این وَ کار از اُشنِ سرزمین دِرها کُنِه. امّا بعد از اینکه وَ کا از بین بَشِنِه فرعون دَل، سخت تر بَوِئِه و اجازه بُریم بشِن از مِصر رَ اُشن ر ندائه.

بعد خُدا لائه پَشِه ئون و ما زا ر برَسّیئِه. فرعون موسی و هارون ر بُگُته اگِه این بلائون ر دِر ها کُنن اُشن ر اجازه دِنه مصر ر ترک ها کُنن. بعد از موسائه داعا خدا این بلائون رِ دِ رها کرده. امّا فرعون خوش قلب ر سخت ها کِرده و باز اجازه ندائه اُشن مصر ر ترک ها کُنَن.

بعد از اون خدا کاری ها کرده تا همه حِوونایی که مال مصریا با بِئه و یمار بَوون و بَمیرن. ولی فرعون دل سخت بَوِبِئه و این دَفَه هم اُشَن رَ اَجازِه نَدائَه بوشون.

خدا موسی ر بُگُته تا خوش مُشت ر کهلین با پُرها کُنِه و اونا رِ فرعون پیش هوا بَده. وقتی که موسی این کار رِ ها کَرده، تَمومِ مَردمِ مِصر غیر از اسرائیلیون دچاره گرِ دردناک بَوِنه. امّا خدا فرعون قلب ر سخت ها کرده و فرعون اِجازه ندائه که اُشن بوشون.

بعد خدا بَلائِه تَریک ر بِرِسّیئه و ویشتَرِ حاصِل و هر جونوری که بُریم دَوِنه رِ نابودها کردِه. اون گُدر فرعون، موسی و هارون رِ دعوت ها کردِه و بُگُته: »مو این دَفه گوتاه ها کردمِه، شما آزاد هَسّـنی که بَشِن. « بعد موسی داعا ها کرده و تریک بِسّائه و نواریئه.

امّا فرعون باز گوتاه ها کِرده و خوش دل ر سخت ها کردِه و اِجازِه نَدائِه اسرائیلیون آزاد بَوون.

هَمینِوه خدا یِک عالَمه مَلخ ر مصر برسّیئِه و مَلخا هر چی از حاصلی که از بَوارین تَریک بُمَنِسبِئِه، بُخوردنـِه. «

بعد خدا بلائه تاریکی ر برسّیئه که سُه روز طول بَکَشیئِه و هَمه جا چَنون تاریکی بوِئه که مصریون نَتّونَسّـنه خونه جَن در بیان. امّا جایی که اسرائیلیون زِنِگّی ها مَکِردنه، روشنائی بِئِه.

حَتّی بعد از این نه تا بَلا، فرعون اسرائیلیون ر اَجازِه نَدائِه بوشون. از اونجِه که فرعون، گوش شَنوا نًداشتِه، خدا اِرادِه هاکرده تا آخَرین بلا ر هم بَرًسّـِه. این بَلا باعث مَوِئِه که فرعون خوش تصمیمه عَوَض هاکُنِه.