15. سرزمین موعود

آخِرسر وقت اون بِوِاِ که قوم اسرائیل به سرزمین موعود )کنعان(وارد بَوِن. کنعان دِلِه شهری دِوِ اِ که اِ نُوَم اریحا بِ اَ که دُور تا دُور دیوار محکمی حفاظِت ها مکرده. یوشَع دو تا جاسوس بِرِسی یه شهر دلِه. اونجِه یک زن جِذاب زندگی هامِکرده به نومِ راحاب. اُو جاسوسارِ خوش پیش پنِهون ها کِرده و اُوشِن رِ کمکها کُرده کِه از شهر فِرار هاکُنِن. اُو چُون خُدا رِ قِبول داشته این کار رِها کُردِنه. جاسوسا هم قُول هِدانه هر وقت اَریحارِ نابود هاکِردِنه، هم او هم اِ خونِواده رِ حفظ ها کُنن.

برای وارد بِوِن به سرزمین موعود، اِسرائیلی ها واسِه از رود اردن گُذِرها مِکِردِنه. خدا یوشعِ رِ بُگُته: »پیشتِر کاهنا رِ راهی ها کُنِه. « هِمین که کاهِنان کفِ پا بِرِسّیِه به او رود اُردن، جِریان آب بن بِمهِ و اسرائیلی ها بِتُونه نِسِنه زمینِ خشک، رو بَشِن اونورِ رودخُونه.

وقتی که از رود اُردن رِد بِوِنه، خُدا به یوشع بُگُته آماده بَوِن تا به شهر قُدرِتمندِ اَریحا حَملِه ها کُنینِ. خدا بُگُته: کاهنا و سربازاوانه )بایِد( تا شِش روز، هر روز یک بار دُور شهر راه بِشن و کاهِنا و سربازا هم هِمین کار رِ هاکُردِنه.

هفتِمین روز واسه اسرائیلیها هفت بار دُور شهرِ رِ دُور بَزِنِن، بعد کاهِنا شِیپور بَزِنِن و همه بلند فِریاد بَزِنِن. اونا هم اینکار رِ هاکُردنه.

بعد دیوارهای دُور تا دُورِ اریحا دیاتِه. اسرائیلیها به دستورِ خُدا همه چی رِ شهر دِلِه از بین بُوِردِنه. فقط هم راحاب و اِ خُونواده که به اسرائیلیها پناه بُوُردِنه، در اَمون دَوِنه. وقتی بقیه قومها بُفَمینه در کنعان، اسرائیل اَریحارِ نابود هاکُرده، بِتِرسینه که نِبادا قوم اسرائیل به اُشِن هم حمله هاکُنه.

خُدا به قوم اسرائیل بُگُته با هیچ قبیله ای در کنعان پِیمون آشتی دِنِوِنِّن. اِمّا یکی از قبیلهها که اِنوم جبعونیان بِ اِ، به یوشع دُروغ بُگُته و اِدعا هاکُرده از جایی غیر از کنعان بِمِ اِ و از یوشع بِخاسِّه تا با اوشِن پِیمون آشتی دَوِنه. یوشَع و رهبرای اسرائیل، بِدون مشورت هاکُردِن با خدا، پییمونِ صلح با جبعونیون دِوِسِّنه.

سُ روز بعد، اسرائیلیها بُفَهمینه که جِبعونیان در واقع کنعانی هَسِّنه. پس، از گُول بُخوردِن عصبانی بِوِنه. ولی پِیمون رِ نِشکستِنه، چون خدا گواه پِیمون بِ اِ. مُدَّتی بعد شاهان قبیلههای دیگری از کنعانیان به نُوم اَموریان، وقتی بُشنِینه جِبعونیان با بنیاسرائیل پِیمون صلح دِوِسِّنه، با هم دیگه پیمون بِوِنِه که خُوش سپاهیا رِ جمع هاکُنِن و به جبعونیان حمله هاکُنِن. جبعونیان از یوشَع کمک بخواسِّنِه.

یوشع خوش سپاه رِ جمع ها کُرده. اوشِن تموم شو رِ راه بشِنِه تا برسینِه به جبعون. اِوِل صُب اَموریان را غافلگیر هاکُردِنه، به اوشِن حَمله هاکُردنه.

خُدا اونروز اسرائیلیها وِ بجنگیه. او اَموریان رِ سردرگم هاکُردِه و تگریهای مِهین از آسمون بِرَسّیِه و خیلی از اموریان رِ بُکُشته.

همینکه خُدا کاری هاکُردِه که خورشید آسِمون دِلِه یسّارا، تا اسرائیلیها وقت هاکُنِن کاملا اموریان رِ شِکِست هادِن. خدا اونروز پیرویه مِهینی اسرائیلیها وِ فِراهَم هاکرده.

بعد از اینکه خُدا اسرائیلیها را شکست هِدِ اِ، خیلی از قَبیلههای دیگر کنعانی برای حمله به اسرائیلی ها با هم دیگر هم پِیمون بِوِنِه. یوشع و اسرائیلیها به اُشِن حمله هاکردِنه و اُشِن رِ نابود هاکردنه.

بعد این جنگها، خُدا سهم هر قبیله اسرائیل رِ از سرزمین موعود به اُوشِن بُووَخشیه. بعد خدا در تموم سرزمینهای اسرائیل آرامش برقرار هاکُردِه.

وقتی یوشَع پیریِوِاِ، همه قوم بنی اسرائیل رِ جمع هاکُرده و مردم رِ یاد بیوردِه که شِما قول هَدانی، پِیمونی که با خدا دِوِسِّنی کوه سینا ور رِ اِطاعِت هاکُنین. مردم قول هِدانه که به خدا وفادار بَمونِن و دستورات را اطاعت هاکُنِن.