21. خداوند وَعدِه بِمِنِ مسیح رِ هَدائِه

از همون اوَّلِ آفرینِش خدا خوب دونِسِّه بعدِ مدت طولانی مسیحِ موعود رِ رِسِّنِه. او آدِم و حَوّا رِ وعدِه هَداوِئِه که این کار بی گُمون انجام بونِه. خدا وَعدِه هَدائِه که حَوا اِ نسل یِکی آنِه که مارِ کَلِه بِکوبه نِنِه. دم درازی که حوا ر گول بِزِاِ همون شَیطون بِ اِ. وعده این بِ اِ که مسیح، شَیطون رِ کامِلاِ شِکِست هاده.

خدا اِوراهیم رِ وَعده هدائِه که اِ وَسیله همه مردم جهان برکت پیدا کُنَّن. او خوش وَعدِه بعد مدتی با بِرِسیِّنِ مسیح عمل هاکُردِه. مسیح موعود باسِه مردم رِ از هر قومی در دنیا از گناهونوشون نجات هادِه.

خدا موسی رِ وَعدِه هَدائِه که آینده اِواری نجات دهنده ای بلند بُنِه. این نجات دهندِه همون مَسیحِ موعود بِ اِ.

خدا پادشاهِ داود رِ وعدِه هَدائِه که اِ نَسل یکی به پادشاهی رَسِنِه و تا اَبَد بر قومِ خدا سلطنت هاکُنِه. این یعنی مسیح داودِ نسلِ وا آنِه.

خدا به وسیلِه ارمیای نِبی وعده هِدائِه که پِیمونِ جدیدی فِراهِم هاکونِّه، ولی نا شَبیهِ عهدی که خدا در کوهِ سینا با اسرائیل دِوِسِّه. پِیمونِ جدید دلِه، خدا خوش قانون رِ مَردُم قلب دلِه نِسِنِّه، مردمُ خودشون او رِ اَشناسِنِّه، اِ با مُحِبِت هاکونِه و اِ حُکما رِ اِطاعِت هاکونِّه. مسیح کسی بِ اِ که این پیمون جدید رِ اوشنا با دِمِوِسِّه. اوشِن اِ قوم بونِّه و خدا اوشِن گناها رِ بَخشِنِه.

پیامبِرای خدا بُگُتِنِه که مسیح موعود نَبی، کاهِن و پادِشاه بُونِه. نبی کسی هِسِّه که خدا اِ کِلام رِ شنونِه و مردم و رِ واگو هاکونِه. مسیح موعود خدا، نبی کامِل بُنِه چون او خدا پِیغوم رِ کامِل فَهمِنِه و اون رِ یکجوری کامِل به مردم واگو هاکونِه.

کاهِنای یَهودی مردِم طرف خُدا وِ قُرونی هامکردِنِه به جای اوشِن مجازات گُناهون. کاهنا هم مردِم وِ به درگاه خدا دعا هامِکِردِنِه. با این حال قِرار بِ اِ مسیح موعود مهین کاهِن بِوُ که خویشتَن رِ به عنوون یک قُرونی کامِل تقدیم خدا هاکُنِه. یعنی او هرگز گُناه نَکونِه و وقتی خودِش رِ به عنوانِ قُرونی تقدیم هاکُنِه احتیاجب به قُرونی هاکِردِه دیگَرون نیِه.

پادشاهون و رَئیسون سر گُروهی از مردم حکومِت هاکونِّه و گاهی اشتباهایی هم دانِّه. داود پادشاه فقط اسرائیلیها وِ حکومِت هامِکِردِه. ولی مسیح موعود که از داود نسل آنِه، تا ابد بر همه مردِم دنیا حکومِت هاکونِه. او عادِلانِه حکومت هاکونِّه و تصمیمهای دُرُست گیرِنِّه.

پیامبُرونی که از طرف خدا بِرِسی بنِه، نِبُوَتهای زیادی از طرف مسیح موعود هاکردِه بنِه. مَلاکی نَبی نبوت هاکردِه بِ اِ که قبل از بِمِئِنِ مسیحِ موعود، پیامبَرِ مهین تِر دیگری آنِه. اشعیای نبی نبوت هاکُردِه بِ اِ که مسیح موعود از یِک دتِر شور نکردِه متولد بِوِاِ. میکاهِ نبی هم بُگُتِه بِ اِ که او بیتلَحِم شهرِ دلِه به دنیا بِوِاِ.

اشعیای نَبی بُگُتِه که مسیح در جلیل زِندِگی هاکونِه. او تسَلّیِ قلبایِ بِشکِستِه هَسِّه و اسیرا رِ آزاد هاکونِه. او نبوت هاکُونِه که مسیح موعود، مریضا یعنی کُورون، وَلون، کزون و لالون رِ هم شفا دِنِه.

اشعیای نَبی هم نبوت هاکُردِه بِ اِ که مردم از مسیحِ موعود نفرت پیدا هاکونِّه و او رِ قَبول نَکونِّه. اَنبیای دیگه هم نِبوِّت هاکُردِبِنِه که یکی از یارای مَسیح به او پُشت هاکُونِه. زَکَریا نِبوِّت هاکردِه که این یار در برابرِ سی سِکِّه نُقرِه اِ با خیانِت هاکونِه. انبیایِ دیگه هم نَبُوِّت هاکُردِه بِنِه که مسیح رِ کُشِنِّه و اِ لباس سر قرعه دم دِنِّه.

همچِنین اِنبیا در موردِ اِ چتی مُومُوردِن نِبِوِّت هاکردِه بِنِه. اِشعیای نَبی بُگُتِه بِ اِ که مردم اِ رو تَف دِکونِّه و او رِ کُتِک زِنِّه و مسخرِه هاکونِه. بعد اِ تِن رِ سوراخ هاکونِّه تا با رنج مِهینی بِمیره، با اونکِه هیچ گُناهی نَکِردِه.

اَنبیا دیگِه هم نَبُوِّت هاکُردِنِه که مسیح موعود وانه انسانِ کامِلِ و بی هیچ گونِه گُناهی بُوِ. او وانه بِمیرِه، چونکِه خدا او رِ جای گناهِ مردُمِ دنیا مجازات هاکونِه. اِ مجازات باعِث بُوِنِه که بِین انسان و خدا آرامش و صُلح برقِرار بِوُه. هَمینِ خاطِر خدا اِرادِه هاکُردِه که مسیح ضَربه بخورِه و کُشتِه بِوُه.

اِنبیایِ دیگِه این رِ هِم نِبُوِّت هاکُردِنِه که خُدا مَسیح رِ پس از مَرگ دووارِه زِنِّه هاکونِه. بنابراین با بُمُوردِن و دووارِه زِنِّه هاکُردِنِه مسیح از مرگ، خُدا مِخاسِّه که نقشِه نَجاتِ گُناهکارا رِ کامِل هاکُونِه و عَهدِ کامِل با گناهکاران دَوِنِّه.

خدا خَلِه چیزا دربارِه بِمِن مسیح به انبیا آشکار هاکُردِه. اِما مسیح در زَمونِ هیچ کدوم از این انبیا نِمِبِ اِ. ویشتَر از چهارصد سال بعد از آخرین نبوِّت، اون موقِع که زمون به کِمال بِرِسیِّه، خدا مسیح رِ به جهان بِرِسیِّه.