36. تغییر قیافه عیسی

یک روز عیسی سُ تا از خوش شاگردون یعنی پترس، یعقوب و یوحنا رِ بِگِتِه بِشِ اِ بُلِنِّ کوه سر تا با همدیگه دعا هاکُنِن.)یوحنایی که عیسی رِ تعمید هِدااِ، یکی دیگه بِ اِ.(

دعا وقتِ، عیسی صورِت خورشید واری روشِن بِوِاِ و اِ لباس نورواری اِسپه بِوِاِ. هنتی اِسپه بِوِاِ که زمین سر اِ واری پیدا مِنِوِاِ.

اونوقت موسی و ایلیا نِبی ظاهِر بِوِنِ. این مَردِمون، صدها سال پیش از این جِریان زمین سر زندگی هامِکِردِنِه. اونا عیسی با در مورد اِ بوموردن که خله زود اورشلیم دله پیش مِم اِ، صحبِت هامِکِردنِه.

وقتی موسی و ایلیا عیسی با حرف مِزِنِه، پترس عیسی رِ بُگُتِه: »چَنِّه خوبه اَ ما اینجه دَرِمی. اِجازه هادِه سُ تا سایبون بسازیم ؛ یکی تِوِ، یکی موسی و یکی هم ایلیا وِ. « پترس ندونِسِّه چه چی گونِه.

هنوز پترس حرفِ تموم نَوِاِ که ابری روشِن بِمِ اِ پایین و اوشِنِ دور بگتِه و نِدایی اِ دله در بِمِ اِ که: »این مِ عزیز پِسِر هَسِّه که اِ با راضیمه. اِ حرف رِ گوش هادِن. « سُ تا شاگرد ترِو بِکِتِنه زمین.

عیسی دست به اوشِن بِشتِه و بِگُتِه: »پاسِّن و نتِرسِن. « اون زمون اونا هر طرِفِ هیشینِه، هیچکس دیگِری غیر عیسی رِ اونجِه نِدینِه.

عیسی و اون سُ تا شاگِرد وگِردینِ کوه پایین. اون زمون عیسی اوشِن رِ بفرمیِه: »اِسا از این چیزا که بدینی هیچکس رِ هیچی نَ اِن. مو بزودی میرمِّه . دُواره زنِّه بومِّه. بعد اون بِتّونِنی دِگران رِ بَاِن چه چی بدینی. «