37. عیسی ایلعازر رِ زِنِّه هاکونِه

مردی بِ اِ به نومِ ایلعازِر، او و اِ دو تا خواخر مریم و مَرتا، از رفقایِ نِزدیک و صمیمی عیسی بِنِ. یکروز، عیسی بُشنیِه که ایلعازر سخت مِریضِه. وقتی عیسی این خَوِر رِ بُشنیِه، بُگُتِه: »این مِریضی به مرگ او نَرِسِنِه، بلکه بزرگی و جِلالِ خدا، دیگَرانِو، در اون نِمایون بِوِنِه. «

عیسی با اینکه اونا رِ دوس داشتِه، دو روز دیگه اونجهای که دَوِ اِ، بِمونِسِّه. بعد اینکه دو روز بُگذِشتِه عیسی خوش شاگِردون رِ بُگُتِه: »بِنِن وَگِردیم یَهودیِه. « ولی شاگِردون بُگُتِنِه: »ای اُسّا، همین چند روز پیش بِ اِ که یَهودیِه مردِم خواسِنِه تَرِ بَکُشِن! « عیسی بُگُتِه: »مِ رَفِق ایلعازِر بُخُتِه و انه او رِ بیدار هاکُنِم. «

عیسی شاگِردون جواب هِدانِه: »خداوندا! اگِر او بُخُتِه، خار بُونه. « اونوقت عیسی خَلِه روشِن بُگُتِه: »ایلعازر بُمُردِه. خوشحالمِه که اونجِه دِنِوِمِه تا شما بِتونِن به مو ایمون بیورین. «

وقتی عیسی بِرِسیِه شهری که ایلعازر در اون زِنِگی هامِکِردِه، چهار روز از ایلعازر بُمُردن بُگذشتِه بِ اِ. مرتا بِشِ اِ عیسی پیشواز و بُگُتِه: »سرورم! اَگِر اینجه دَوی مه، بِرار مِنِمُردِه. اما مو ایمون دامُّه هرچی تو با خدا بِخواهی، تَرِ بَخشِنِه. «

عیسی جِواب هِدااِ: »مو قیامت و حیات هَسِّمِه. هر کی به مو ایمون بیورِه، حتی اگه بِمیرِه، زِنِّه بونه. هرکی به مو ایمون بیورِه، هیچوقت نِمیرِنِه. آیا تو به این حرفِ مو ایمون دارنی؟ « مرتا جواب هِدا اِ: »بله اوسّا، مو ایمون دامِّه تو عیسی خدا اِ پسِری. «

بعد مریم بِرِسّیِه عیسی پیش و اِ لِنگ پیش دِکِتِه و بُگُتِه: »مِ سَرور اگه اینجِه دَوی، مه بِرار مِنِمُردِه. « عیسی اونای با بُپُرسیه: »او رِ کجه دفن هاکُردِنی؟ « اونان بُگُتِنِه: »یک مَقبِرِه دله. بُرو بِبین. « بعد عیسی بُرمِه هاکُردِه.

ایلعازر قبر غاری بِ اِ که یک مِهین سنگ اِ دهنه جِلو وِشتِ بِنِ. وقتی عیسی بِرِسیِه مقبره اونا رِ بُگُتِه: »سَنگرِِ کِنار بَزِنین! « ولی مَرتا بُگُتِه: »چهار روز اِ مَرگ ِبا بُگذِشته. الان دیگه اِ جَسِد بو بِگِتِه. «

عیسی جِواب هِدا اِ: »مگه مو نَگُتِم اگه به مو ایمون بیوری خدا جِلال رِ وینی؟ « بنابراین اونا سنگ رِ کِنار بِزِنِ.

اونموقع عیسی آسِمون رِ هیشیِه و بُگُتِه: »پِر تَرِ شکر هاکومِه که مَرِ اوشنونی. دوِمِّه همیشه مَرِ گوش دِنی، ولی این رِ مَردم خاطِر که اینجه دَرِنِه گومِّه، تا ایمون بیورِن که تو مرِ بِرِسی. « بعد با صدای بُلِند بُفُرمائیه: »ایلعازر! بوریم بورو! «

ایلعازر هَمِنتی که کفن اِ دور دِپیتِه بِ اِ، قبر با بوریم بِمِ اِ. عیسی اونا رِ بُگُتِه: »او رِ واکونن تا بِتونِه راه بَشِه. « خَله از یهودیا چون این معجِزِه رِ بِدینِه، عیسی با ایمون بیوردِنِه.

ولی سرانِ مذهبی یهود حِسادِت هاکُردِنِه، پس دُور هم جمع بِوِنِه تا عیسی و ایلعازر قَتلِ و نقشه بَکِشِن.