38. خیانِت به عیسی

یهودیا هر سال عید پِسَخ رِ جشن مِگِتِنِه. این جشن اوشِن رِ یاد میوردِه که چِتی صد سالِ پیشُ خدا اوشِن پِرون رِ از بندگی مصر نِجات بوخشیِه. نزدیکِ سه سال بعد اینکه عیسی شروع به موعظه هاکُردِه، و همه رِ تعلیم مِدا اِ، خوش شاگِردون رِ بُگُتِه خوانِه اورشلیم اوشِن با عید پِسَخ رِ جشن بِیرِه. او اینِم بُگُتِه که اونجِه کشتِه بِوِنِه.

یَهودا یکی از عیسی شاگِردون و خِزونه دارِ گروه بِ اِ. ویشتر وقتا هم از اون پولا دُزّی هامِکِردِه. بعد اینکه عیسی و اِ شاگُردون بِرِسّینِه اورشلیم، یهودا بِشِ اِ کاهن اعظم پیش و پیشنهاد هدا اِ در مقابل دِریافت پول عیسی رِ او دِنِه. او دونِسِّه رهبرای یهودی، مسیح بودن عیسی رِ باوِر ندانِّه و خواهونِ بُکُشتِنِ او بِنِه.

سرانِ مذهبی یهود با رهبِری کاهن اعظِم، سی سِکِّه نقره او رِ هدانِه برای خیانِت یهودا و تحویل عیسی. هَمِنتی که انبیا پیشگویی هاکِردِنِه یهودا قبول هاکُردِه و پولِ بِگِتِه و روونِه بِوِاِ. از اون وقت او فرصِت دنبال دَوِاِ که عیسی رِتسلیمِ اوشِن هاکُنِه.

عیسی در اورشلیم همراه خوش شاگِردون عید پسَخ رِ جشن بِگِتِه. شُم پسخ بخوردن وقت عیسی نون رِ پاره هاکردنِه و بُگُتِه: »بِیرین و بَخورین، این مه تَن هَسِّه که شما رِ دِنِّه. این رِ مه جا یاد بجا بیورین. « هنتی بِ اِ که عیسی بُگُتِه اوشِن خاطر جون دنه و اِ تن اوُشنو قوروُنی بوِنِه.

عیسی در اورشلیم همراه خوش شاگِردون عید پسَخ رِ جشن بِگِتِه. شُم پسخ بخوردن وقت عیسی نون رِ پاره هاکردنِه و بُگُتِه: »بِیرین و بَخورین، این مه تَن هَسِّه که شما رِ دِنِّه. این رِ مه جا یاد بجا بیورین. « هنتی بِ اِ که عیسی بُگُتِه اوشِن خاطر جون دنه و اِ تن اوُشنو قوروُنی بوِنِه.

بعد عیسی شاگِردون رِ بُگُتِه: »یکی از شماها به مو خیانِت هاکونِه. « شاگِردون تعجب هاکُردِنِه و بُپُرسینِه که کی دست به این کار هازِنِه. عیسی بُگُتِه: »اونکِه این لقمه رِ مِ با گیرِ نِ خیانتکاره. « بعد نون اِ هدا اِ یهودا رِ.

بعد اینکِه یهودا نون رِ بِگِتِه، شیطون بِشِ اِ جِلدِ دله. او بِشِ اِ سران یهود پیش تا اوشِن رِ کُمِک هاکُنِه تا عیسی رِ دستگیر هاکُنِن. همه اینا شو اِتِفاق دِکِتِه.

بعد اینکِه غِذا رِ بُخوردِنِ، عیسی و اِ شاگِردون بِشِنِ طرف کوه زِیتون. عیسی بُگُتِه: »اَمِشِه شما همه مَرِ تِنها وِلِّنی. چون بنشتِه که: »چوپون رِ زِمِه و همه گوسفندون پِراکنده بِوِنِه. «

پترُس بُگُتِه: »حتی اگر همه تَرِ ترک هاکنِن، مو این کار رِ نَکومِّه. « عیسی او رِ بُگُتِه: »شُیطون خوانِه همه شما رِ خوشتِن طرِف هاکونِه. ولی مو تِو دعا هاکُردِمِه تا ته ایمون از بین نَشِه. با این وجود اَمِشِه تو قبلِ خروس خون، سه بار اِنکار هاکونی که مَرِ اِ شناسی. «

پترس عیسی رِ بُگُتِه: »حتی اگِر بِمیرِم، ترِ اِنکار نَکومِّه. « بقیه شاگِردون هم همین رِ بُگُتّنِه.

بعد عیسی و اِ شاگِردون بِشِنِ باغ جِتسیمانی. عیسی اونا رِ بُگُتِه دعا هاکونِن تا شیطون نَتونِّه اوشِن رِ وسوسه هاکُنِه و بِشِ اِ خَلوت تا دعا هاکُنِه.

عیسی سُ بار هِنتی دعا هاکِردِه: »ای مِه پر، اگر ممکنِه اِجازه هادِ که این جام رنج رِ نَخورِم. اکا اگر راه دیگری برای بُوَخشینِه مردم گناهادَ نیه، پس تو ارادِه انجام بِو. « عیسی هنتی مضطرب بِ اِ که اِ عرق مثل قطرههای خون بِ اِ. خدا یک فرشته بِرِسیِّه تا او رِ تقویت هاکُنِه.

بعد هر بار دعا عیسی وِمِگِردیِه خوش شاگِردون پیش، ولی اوشِن رِ بُخُتِه مِدیِه. سُوُمین بار که وِگِردیِه، بُگُتِه: »پاسِّن، اون شاگردِ خیانِتکار اینجِه درِ. «

یَهودا همراه رهبرون یَهود، سربازان و جمعیتِ مِهینی بِمِنِ. اونا خوش هَمراه شمشیر و چماق حمل مِکِردِنِه. یهودا بِمِ اِ عیسی اِ طرف و بُگُتِه: »سلام ای اوسّا. « و او رِ خوش وینِه. این نشونه ای بِ اِ تا عیسی رِ به سران یهود برای دستگیری بِشناسونِه. عیسی او رِ بُگُتِه: »یهودا، آیا با یک خوش به مو خیانِت هاکونی؟ «

وقتی که سربازا عیسی رِ دستگیر هاکُردِنِه، پترس خوش شمشیر رِ بِکِشیِه و کاهن اعظم خدمتکارِ گوش رِ بُوریه. عیسی او رِ بُگُتِه: »خوش شمشیر رِ غِلاف هاکون. مو بِتومه خوش پِرِ با درخواست کُمِک هاکُنِم که یک لشگر از فرشتهها رِ مِ کُمک بَرِسِه. اما وانِه او با اطاعِت هاکنِم. « بعد عیسی اون مردِ گوش رِ شِفا هِدا اِ و همه شاگردا فرار هاکُردِنِه.