۲۳- عیسی تولدِ

مریمه اینه مردَکی وی که عادل و خور وِه به نوم یوسف نومازِه گردِسته ویندِه. وقتی یوسف هالیاوِه که مریمه اُوستَنا آ حالی وِ که زارین جا خو نییِه .یوسف منوقوچه که مریمه رسوایون بی آبرو یَره. پس تصمیمش بِگه که بی سر صدا جاوِه خو جویاوِه .اما قبل جی که جا کارِه بیَره اینِه فرشته رویا مونِه ظاهراوِه جاوِ را.

فرشته یوسفِش وات: «مترس از اینکه مریمه اَگِری. زارینی که جاوِه رحِمِ مونِه یه روح القدس خو یِه. مریمه اینِه فِر مِزایه و جا نوم عیسی (یهود نجات آندییِه) آنی، چون آ مَردومِه گونایون خو خلاصه میَرِه.»

پس یوسف مریمه وی وِییشون بیه و جاواش بو خوشتَنَرِش کیه. آما تا موقعی که زارین دُنیا نومِه جاوِه وی همبستر نِگَردَس.

آخرین رِوای مریمه بارداری، روم امپراطور دستورِش آدا که سرشماری را هر کس باید خوشتَنَرِش شهر اجدادی آگَردِه. یوسفیون مریمه خیلی راشون ناصِره دِ به بیت الحم باید میشیندِه، چرا که جینا جد داود پادشاه و شهرشون دِ بیت الحم وِه.

وقتی مریمه یون یوسف بِرِسستیندِه بیت الحم یاقاشون بِمَندَنِ را آنِنداست. تنها یاقایی که مردم موتونَسچون بیمینِندِه اینه یاقا حیوونون نیادَشتَنِ را وِه. آقادِه مریمه زارینِش دُنیا بو و جاش آخور مونِه آخوستِنَس چون که جاوِ را خاب یاقاشون نِدَشت آنا جاشون نوم آنا عیسی.

آ شو چوپونونی بیابونِ مونِه دِ خوشتَنَرِشون گَلّون نگهبونی میه. ایبَدِه اینه فرشته نورانی جانا پَرونِه ظاهِراوِه و ترسیون وحشت جاناش بِگِه. فرشته جاناش وات: «مَتَرسا چون اَز ای خبر خوش شمارا دِرِم‌ .مسیح موعود که خدا یه بیت الحم دُنیا بومِه!»

«بِشِه یا و جا زارین پِیِه بِگَردا و زارین قُنداقه مونِ اُوپیچا و آخور مونِه آخوتِه آندارا.» ایبَدِه خیلی از فرشتگون آسِمونی مُلحَقاویندِه جا فرشته. آنا در ستایش خدا مِخِنچون و مِواچون، «خدا را آسمون مونِه جلال و بزرگی گردِه و زمین سَرِه صُلحیون آرامش مردمی را که خدا به جانا لطف دِرِه!»

پس فرشتون جانا شون وِلِه یِه و چوپونون دِ خوشتَنَرِشون گلّون، به یاقایی که عیسی اُقادِه وِه بِرِسِستیندِه و اِینِه لَتّیشون ویند که آخورِ مونِه آخوته وی همی باین که آ فرشتِه واتِه ویشِه. آنا خیلی هَیَجون زَدا ویندِه. چوپونون بیشیندِه خوشتَنَرِشون گلّون پَلِف و خداشون برای آ چی که ویندِه ویشون و بَشونِستِه ویشون شُکرِشون میه و ستایِشِشون میه.

بعد از جاوِه مردَکونی از مشرق زِمین که آستِرییِه شناس و خیلی دونا ویندِه، اِینه آستِریه شون که خیلی شگفت انگیز وِه آسِمونِه وین.آنا هالیاویندِه که پادشاه جدید یهود دُنیا بومِه. پس خیلی راهِ طولانی خوشتَنَرِشون سرزمینِ خو جی زارین ویندَنِ را بومیندِه. آنا بومیندِه بیت الحم و آ کییِه که عیسی پییَر مارِش وی جا مونِه زِندِگیش میه آنداچون.

وقتی آ مردَکونِ دانشمند عیساشون مایَرِش وی وینچون زانوشون بِزَن و جاشون پَرَستِش یِه. آنا عیسی گُرونِه پیشکِشونشون آدای و بعدِش آگردِستیندِه خوشتَنَرِشون کیه.