۲۴- یوحنا عیسی تعمید آندی یِه

یوحنا، زکریایون الیزابِته فِر، پِلّاوهِ وَ به پیامبَری انتِخاباوِه. آ ایدینه بیابونه زِندِگیش میهِ، عَسَله صَحراییون مَلَخِش موخا، لِباسِش دِ اُشتُرهِ پَشمهِ خو وهِ.

خیلی از مردم میشیندهِ بیابون، یوحنا پَلِف وَ جاوهِ گَپون گوشاشون میه. آ جانارا روضیش میهِ وَ مردِمونِش مِوات: «توبه یَرا چونکه پادِشاهیه خدا نَزدیکه.»

چون مردم، یوحناشون گَپون گوشهِ میهِ خِیلیون گوناهانِشون خو توبیشون یهِ وَ یوحنا جاناش ویه وی غسل آندای. خیلی از رَهبَرای مذهبی مومیندهِ یوحنا پَلِف، آما به خوشتَنَرِشون گونایون اعترافِشون نیه و جانا خو توبیشون مینیِه.

یوحنای غسل آدیه، رَهبَرون مَذهَبی را مِواچّه: «اِی سَمّی مارون، توبه یَرا وَ رَفتاریون عَوَضَرا. خدا هر درخت که خورهِ میوهِ نوره، جاوهِ میربینه وَ آتِش مون ماشینِه.» یوحنا پَیامبَرونِش پیشگویی به پایان بِرَسدِنَس که واته ویشون: «بِشگِه از خوشتَنَرِم پیامبَرَر اِشتهِ پَرون تَره مِروستومه تا راه اِشته را هموارِه یَرِه.»

خیلی از مَذهَبی رَهبَرون، یوحنا خو آپَرسَچّون: «آیا تَ مَسیحیشه؟» یوحنا واچه: «از مسیح نیمِه، آما بعد از چِمه اینَفَر ما که مَقامِش خیلی چِمه ویشتَره. اِنقَدر مَقامِش چِمه ویشتَره که اَز شایِسته نِیمه جاوه حتی چُستون بَندِ اُوشارِمِه.»

سابایناش عیسی برای غسل ویه، یوحنای غسل آدیه پَلِف بوشو. آ سان چون یوحنا جاش ویند، واچه: «اِم هَمی خدا بَرّییه که تَموم جهون گوناه اُونگورِه.»

یوحنای تعمید دهنده، عیسی را واچه: «اَ لیاقت نِدِرِم که اَشته غسل تعمید آدِمه. اِم اَزیمه‌که باید اِشته خو غسل تعمید اَگِرِمه.» آما عیسی واچه که: «چمه غسل تعمید آدی چون درسته‌کار هَمی اِمه.» آ سانی یوحنا، عیساش غسل تعمید آدا، هرچند که عیسی گوناش نییِرده وی.

موقعی که عیسی بعداز غسل تعمید ویه خو بومه بَر، خدا روح ایدینه کوتَرِ بِری گَردَست وَ بومه جیر وَ پَدیدار آوه جاوه را. آسان هَمی آ موقِع خدا نِدا آسِمونِه بِرَسَس که واچه: «اِمه چِمه فِر، که اَ جا خو، ای بیَن راضیمه وَ جا خو خُشنودیمه.»

خدا یوحنا را واتِه ویشِه: «روح‌القُدوس بَر آدَمی که تَ جاوه غسل تعمید آندی فرود ما، آ اینَفَر، خدا فِره.» خُدا یِگانیهِ وَ هِنگامیکه یوحنا عیساش غسل تعمید میه، صدای خدای پِدَرِش بَشونَست. خدای جا فِرِه یعنی عیساش ویند وَ روح‌القُدوسِش بصورت ایدینه کوتَر ویند.