۲۶- شروع عیسی خدمت

بعد اینکه شیطون وسوسون چیراوِه، عیسی به آنیشتِه لَکاش جلیل آگَردَست. روح القدس، عیسی را قوتِش آدای، آ تعلیم را از ای یاقا به اَلادِه یاقا موشو وَ همه جاخو به خوری تَعریفِشون میِه.

عیسی ب ناصره، دِهاتی که زارینِه موقیش اُوقادِه وِوی بوشو. رِو شبات آ بوشو پرَستِشگاه. رهبَرون مذهبی ای نسخه کتاب اشعیای نَبیشون آدای جاوِ تا بِخِنِه و عیسی جا کتابِش اوشا وَ جاوِش مَردُمون را بِخِن.

عیسی بیَن بِخِنچه: « خدا خوشتَنَرِش روحِ خو چِمِه را آدایشِه تا خبر خوشِ بیناوا بیچاری را اِعلومه یَرِمه. آ چیمیش بِروستا تا اَسیرون آزاد یَرِمه، کورون بینا یَرِمه وَ زِندونیون آزاده یَرِمه، چون موقِع رحمت خداوند بِرِسِستی.»

بعد عیسی آنیش وَ همه دقتی وی چُشمِشون بیدوتِه وی جاوِه چُشم. و مردم هالیوِنده ک آ کتاب دِره به مسیح اشاره میَره. عیسی واچه: «جی گَپه که شمارا بِخِندیمه اَنه دِره اَنجومامبهِ.» همه مردم ذوقِشون یِه وَ آپِرسِستیندِه که: «اِم مَگه یوسفِ فِر نیِه؟»

بَعد عیسی واچه: «درسته که پیامبر شَهرِش مونه پَذیرُفته نیِه. موقعی که ایلیای پیامبر زَمونه دِ سوسالِ نیم وارون نومِه، با اینکه کلی بیوه زِینیهِ اسرائیل زیادِ و خدا ایلیاش بوروستایشه بیوه زَنون کمک یَره که بیشینده ای شهرِ دیه مونِه زندگی یَرِنده.»

وَ بیَن واچه ک: «زَمون الشیعِ پیامبر، آدَمونِ زیادی بیماری پوستیشون دَشت. اما الشیع هیچکسِش شفا آنِدا. آ فقط نعمان سوری اسرائیل دشمَنون فرمونده مریضی خو شَفاش آدا.» شِنَوَندِگونی که یهودی وینده با بَشونَستَن جی گَبون بر جاوه خَشمِشون بِگه.

مردم ناصره، عیساشون مسجِدِ خو بو بَر، بِبَرشون اینه کوهِ سَر تا جا کوخو باشینِندهِ زمین وَ بوکوشِنده. آما عیسی جینا خو بگذَرَس و ناصِرِه د بوشو.

بعدش عیسی به کل جلیل بوشو. خیلی از مردم مومیندِه جا پَلِف خیلی دِ مریضِشون خوشتَنَرِشون وی مورچون. جانا مونِه دِ چند نفری لَس، کور، کَر ویندِه بعضیشون دِ مونوتونَسچون را بیشیندِه و گَپ بِزَنِنده. عیسی جاناش شفا آدای.

همچنین خیلیون دِ گرفتار بد ذاتی ویندِه عیسی پَلِف مورچون. به دستور عیسی روح‌های بد ذات مردِمون خو میشیندِه بَر. جا مَردُمونِ خو بَعضیش دادِش مِزَن: « ته خودا فِریشه!» وَ مَردم همی ذوق زَده خوداشون مِپَرَسدَس.

وَ عیسی شاگِردونِش مونه دِ ۱۲ نِفرّش اِنتخابِش یه و جاناش نوم آنا رَسولان. وَ آنا عیسی وی مسافرت میشینده وَ جاخو درسِشون بلده مِگه .