۳۴- عیسی اَلادِه مَثَلون بَلَدِه میدییِه
عیسی اَلاده داستونِش دِ درباره ی پادشاهی خدا واچِه. نِمونی را بییَن واچِه: «خدا پادشاهی لاب خردَلِ دونی وارینایه که ای نَفَر رَزِش بِکِرچیه. شما هالیون که خردلِ دونه گوجیلتِرین دونییِه.»
«با جی وجود که خردِل دونه رُشد مییَرِه، پاک جا رَزِ گیاهون پِلِه تَرامبِه بِقَدَر پِلامبِه که پَرَندون جا شاخون سَرِ استراحت مییَرِنده.»
عیسی اَلاده داستونِش تعریف یِه و واچه: «خدا پادشاهی لاب خمیر مایی وارینایِ که اینِه زینییِه جاوِ آردی وی قاطیه مییِریه تا پَخشِه یِریه کل خمیر سَر.»
«خدا پادشاهی، لاب اِینِه گَنجِه که ای نَفَر رَزِش مونِه قایماش یِردیشِه. اَلادِه کَس جاش آنداس هامونده جاش خاکِه بِخِه قایماش یِه و جا ذوقه دِ بوشو هر چیش دَشت بیروچِه تا جا اندازِه فِل گِردِه گِرِه تا جا رَز که مونِشه گَنج وِ اَگِرِه.»
«خدا پادشاهی، لاب اینِه قشنگه، گُرونِه مروارید که اینِه تاجِر آندارِه و هر چی دِرِه میروشِه تا بُتونِه فِلِش بی جا اَگِرِه.»
آقادِه ای آدَمونی ویندِه که فِکرِشون مییِه خورِه کارونِشون واسین خدا جانا قبول مییَرِه. آنا بقیه ی که خوره کارونِشون مینییِه هَدَر موزونَچون. بعد عیسی جانارا جی داستونِش تعریف یه: «دو نفر بیشیندِه مسجد که دوعا بییَرِندِه. ای نفر جانا خو شِخ وِه و آوِه کین دِ باجگیر وِ.»
شِخ بَشدا بییَن دویاش بییِه: «ای خدا اِشتِه شُکر مییَرِم که اَلادِه مردُمون وارینا، گُناکار، دُزد، ظالم، زِناکار و حتی جی وارین باجگیر نیمِه.»
هفتی مونِه دو رِو رِوجِه مِگِرِمه و همه فِلِون و درآمِدی که بَرمورِم ای دَهِمِش آندِم اِشته.
«آما آ باجگیر دِروتَر از جا شِخ بَشتاوی و موقعی که دویاش مییِه، حتی سَرِش دِ جور نِگِرچه آسِمونِه طَرَف بَلکِه مُشتی وی بیزیش سینیشه. واچه: « خدایا چمه رَحم بییِه، چون گوناکاریمه!»
بعدِش عیسی شوریاش یِه: «راستِش شما را ماجِم؛ خدا جا باجگیرِش دوعا بَشونَس واچه اِم خورِه آدَمه. خدا هر کَس که خوشتَنَرِش خو تعریف بییَرِه خوشِش مِنا و هر کَس دِ خوشتَنَرِش کَم بُوزونِه سربِلَندِه مییَرِه.»
داستون بیگیرییِستی برگرفته از کتاب مقدس: انجیل متی فصل ۱۳ آیههای ۳۱ تا ۴۶؛ انجیل مرقس فصل ۴ آیههای ۲۶ تا ۳۴؛ انجیل لوقا فصل ۱۳ آیههای ۱۸ تا ۲۱؛ فصل ۱۸ آیههای ۹ تا ۱۴
رایگان برای استفاده، اقتباس و اشتراکگذاری تحت مجوز باز (CC BY-SA 4.0).