۳۶- مسیحِ دیم دِگَرگوناوی

ای رِو عیسی سودونه شاگِردونِش خو یِنی پترس، یعقوب و یوحناش اوقورچه بوشو کوهِ جُور باهم دویا یَرِندِه. (یوحنایی که عیساش تعمید آدای، ای آدم دیه وِه.)

دوعا موقودِه عیسی دِیم خورشید وارینا مِدِرَخشَست وَ لِباسِش دِ ایسبیِه نور گَردَست. بیَن ایسبی آوه کِه زَمینِدِه باینِه چی نِوِه اصلا.

آ موقع موسی وَ ایلیایِ نَبی آنداریستینده. آنا صدسالِ پیش زِندِی میرچون زِمینه دِ. آنا عیساوی درباره ی جاوِه مرگ که خیلی زِو موقوستی اورشلیمه اتفاق بیگینِه گَبِشون بِزَن.

آموقِع کِه موسی وَ ایلیا عیساوی گَپِه وینده، پترس عیساش واچِه: «چهِ خُوره کِه آما اِنگا دِرِیمون. بَرز سو دونِه سینَکا سابِدوم ایدِنه اِشته را ایدِنه موسی را ایدِنه دِ ایلیارا.» پترس حالی نِوِه چِه ماجِه.

هَنوز پترس گَپ تامونا نِوِه‌وی کهِ ایدِنه روشینه اَبر بومِه جیر، جاناش بِگِرچه وَ نِدا بومه: «اِم چِمه فِره کِه جاخو راضیمه جاوِه گَپ گوشِرا.» سودونه شاگِرد بِتَرسِستینده بِکتینده زَمین.

عیسی دَسِش آنا جانا سَر و واچه: « پاوِیا مترسا». آموقِع کِه آنا دورِه وَره بِشکِسِستینده، بِجُز عیسی هیچ کَسِشون اُوقادِه نیوین.

عیسا سو شاگِردِوی بومینده کوده جیر. آ موقع عیسی جاناش وات: «اَنه جا چیایون که ویندی هیچ کَسِ را هیچی مَواجِه یا. از خیلی زِو مومورِم هامون دوبارِه زِندامبِمه بعد از جا موتونا بَقیی را واجه یا که چییون ویندی.»