۴۷- پولسیون سیلاس فیلیپی دِ

سولس آ موقه که سراسر رومه دِ مسافِرَتِش میه، تصمیمِش بِگه که خوشتَنَرِش رومی نوم که پولس وِ، استفادِه یَرِه. ای رِو، پولس رَفِقَرِش سیلاسی وی بیشیندِه شهر فیلیپس تا عیسی خوشه خَبَر اِعلومه یَرِندِه. آنا روخونی پَلِف که شهرِ بَرِه دِ وِ بیشیندِه. مردم آقادِه گِردامیویندِه هَندیر دُور تا دوعا بییَرِندِه. آقادِه آنا اِینِه زینیاشون وین که نومِش لیدیه وِ که تاجر ویه. آوِه خداش موقوس و جاش عبادت میه.

خدا لیدیاش تَوانمَنداش یِه به عیسی اِیمون بوریه. پولسیون سیلاس جاواشون خانوادییَرِش بی غسل آدا. بعد آوِه، پولسیون سیلاسِش دعوت یِه که جاوِه کییِه دِ بَشتِندِه و آنا دِ جاوِه پَلِفه دِ بَشتایندِه.

پولُسیون سیلاس معمولا یاقایونی که یَهودیون دوعاشون میه، میشیندِه مردِمون ویندَن. آقادِه اینِه کِنیزِه ویه ناپاکه روحِش دَشت و هر رِو مومیه جانا پی. آوِه به کمک جی هَدَرِه روح، آیِندیش مَردِمون را پیشگوییش میه هَمی جی رادِه که غیب گویی وِ سود زیادی اَربابونِش مِرَسَس.

آ کِنیزِه آ موقه که آنا را میشیندِه، دادِش مِزَن مِواچه: «اِم مَردَکون خدای متعال خِدمتگُزارِندِه آنا راه نِجات شما را اُنوَردِنِندِه!» آوِه چندین رِو بینِه کارِش بیه تا آخِرِه پولس صَبر سَر اُومه.

آخِرِه ای رِو موقعی که کِنیزِه دادِش مِزَن، پولس بِشگَسَس جاوِه دیم و به جا ناپاکه روحی که جاوِه مونه دِ وِه واچه: «به نوم عیسی جی تیتییه مونه دِ بی بَر.» ناپاکه روح فوری جاواش وِلیه.

بعد کِنیزِه اَربابون وینچون که چه اِتِفاقی بِکِتی، خیلی حرصِشون بَرومه. اِم به جی معنی وِه که دیه مردم به جا تیتییِه اَربابون فِل آنیدییِندِه، چون که هالیاویندِه بدون جا هَدَرِه روح، کِنیزِه دیه مونوتونَچه غیب واجیه.

بعدِ جا، جا کِنیزه اَربابون، پولسیون سیلاسِشون بِبه مقامات رومی پَلِف. آنا پولسیون سیلاسِشون کتک بِزَن و باشیشون زِندون.

آنا پولسیون سیلاسِشون بِبِه ای یاقایی از زِندون که ویشتِرین نِگَهبونونِش دَشت. باشیشون، آنا هَمی بییَن جاناشون پایون دِ چو پِلّه تیکون بی بِبَچون. با هَمی جی وا آنا نیمه ی شو، شعری دربارِه ستایش و پرستِش خدا مِخیشون.

ای بَدِه، شدیدِه زِلزِله گَردَست! زِندون پاک بَرون اُوشارییَست و همه ی زِندونیون زینجیرِه دِ بیریجییَست.

بعد زِندون بون پاوِه و وینچه که زِندون بَرون وازِندِه. آ فِکرِش بیه که پاک زِندونیون ویریتیندِه و از ترس جی که مقامات رومی جاوِ مجازات یَرِندِه، تَصمیمِش بِگِه که خوشتَنَرِش بوکوشِه. آمّا پولس جاش وین و دادِش بِزَن: «خوشتِنِری صدمه مَزَن! آما همه اِنگادِریمون.»

زِندون بون تَرسون لَرزون بوشو پولسیون سیلاس پَلِف و آپَرسَست: «چی یَرِم تا نجات آندارِم؟» پولس جوابِش آدا: «جا خداوند عیسی ایمون بو. بعد تَ و خانوادی نجات آندارا.» بعد زِندون بون، پولسیون سیلاسِش بِبه خوشتَنَرِش کیه و جاناش زَخمون بیشو. پولس عیسی خوشه خبر همه‌ی جانایی که کییه دِ ویندِه واچه.

آ زِندونیون و پاک خانِوایشون ایمونِشون بو به عیسی و پولسیون سیلاس جاناشون غسل آدا. بعد زِندون بون پولسیون سیلاس را غذاشون آدا و هندییَر بی شادیشون بیه.

رِوِ بعد، شهر پِلّون پولسیون سیلاسِشون زِندونه دِ آزاده یه و جانا خو بوقوچون که فیلیپی دِ بیشیندِه بَر. پولسیون سیلاس بیشیندِه لیدیه و چندونه رَفِقونِشون ویندَن و بعد شهرِ دِ بیشیندِه بَر. خوشه خبر عیسی بارِه دِ هی زیادامِوِه و کلیسا پِلامِوِه.

پولس و اَلادِه مسیحیون پِلّون خیلی شهرون سَفَرِشون میه. آنا به بَلَدِه دییَن و گَپ بِزَندَنِ عیسی خوش خَبَرِ بارِه دِ مشغول ویندِه همی بییَن آنا زیاد نامیشون بینیست که آنایی که اِیمونِشون دَشت کلیسا مونه دِ بَلَدِه دییِندِه و تشویقه یَرِندِه. بعضی جی نامون خو کتابونی از کتاب مقدس گِردِستی.