۴۹- خدا تازِه پیمون

اینِه فِرِشتیه جَوونه تیتیه که نومِش مریم وِ واچه که تَه خدا فِرَر دُنیا موری. آ موقه که حالا مریمه تیتیه ویه، روح القدس پُفاش یِه جاوِ طَرَف و اُستناویه. آوِه اینِه فِرِش دنیا بو و نومِش آنایش عیسی. جی دیمِدِه عیسی هم خدا و هم آدمِ.

عیسی خیلی معجِزیش یِه که ثابتاش میه آ خدایه. آ وییِه سَرِه را موشو، طوفونِش آرومِه یِه، خیلی مریضونِش شفا ادا، خیلی آدَمون خو هَدَرِه روحِش بَر یِه. مُردونِش زِندِه یِه و پَینِه نونِیون دونِه گوجیلِه ماهیش برکت آدا و جاش تبدیلِه یِه به غذای کافی که ۵۰۰۰ نَفر دِ ویشتَر سیرِه یَرِه.

عیسی پِلِّه معلم دِ وِ. هر چیش که بَلَدِه مِدا راست وِ. مردم دِ هر چیش که آ جانا را مِواچه باید اَنجومِشون مِدا، چون آ خدا فِر وِ نِمونی را آ بَلَداش مِدا که اَلادییَرِش دِ باید خوشتِنِری وارین محبت یِری.

آ هَمی بییَن جاناش بَلَدِه دا که باید خداوند هَمی ویشتر حتی مال و اموالِشون ویشتَر بوقوشون.

عیسی واچه که خدا پادشاهی، دِ وییَن با ارزِش تر از هر چی یه که جی دنیا دِ یِه. موقوی بِشی خدا پادشاهی مون، باید آ اِشته گونایونی خو خلاصه یَرِه.

عیسی واچه بعضی جی آدَمون خو جاوِ قبول مییَرِندِه، بعد خدا جانا نِجات آندییِه؛ امّا همه جاوِ قبول مینییَرِندِه. آ جیشتِه وات که بعضی از آدَمون دِ خاکِ وِرین خورِندِه، چون که عیسی خوشِه خبر قبول مییَرِندِه و خدا جانا نجات آندییِه. بعضیون دِ جادی کِنارِه سِفته خاکه وِرینِندِه. خدا گَپ اینِه دونی وارینِه که جا زِمین مون مِگِنِه، آمّا هیچ محصولی مِنورِه. اِنا مردمی یِندِه که عیسی گَپون قبول مینییَرِندِه و مِنوقوشون بیشیندِه خدا پادشاهی مون.

عیسی جاناش بَلَدِه دا که خدا گونا کارونِش خیلی موقو‌. آ موقوشِه که جانا بِبَخشِه و خوشتَنَرِش زارین یَرِه.

عیسی هَمی بییَن جاناش وات که خدا گونا خو بَدِش ما. آدِمیون حوا گونا خاطِرِه، پاک جانا نَسلون گُونا مییَرِندِه. آخِرِه دِ هر که دنیا دِ گونا مییَرِه و خدا خو جویامبِه. پاک خدا دُشمَنِندِه.

ولی خدا همه ی مردمی که دنیا دِ یِندِه. بییَن محبتِش بیه که خوشتَنَرِش تَکّه فِر عیساش آدا، تا هر کس جاوِه ایمون بورِه گونایونِش واسین مجازاتا نِوِ و تا آخر خداوی زندگی بییَرِه.

شما گونا بییَردن خاطِره، حَقِشه که بومورا . خدا حق دِرِه که شما دَسه حرصِش بَرا. اما عیسی بیشییَن به صلیب سَر و بومَردَنِش، چوما گنایون عذاب خوشتَنِش بِگِرچه.

عیسی هیش موقه گوناش نییِه، ولی قبولِش یِه که آدَمون گونایون واسین مجازاتاوِه. آ حتی سنگین تِرین مجازات که بومردن وِه، قبولِش یِه. هَمی جی واسین آ کامِلِه قوربونی وِ تا شما گونایون و هرکَس دیه دِ جی دنیا دِ یِه پاکه یَرِه. چون که عیسی خوشتَنَرِش به عنوان قوربونی تَقدیماش یِه خدا، بعد خدا پاک گونایون، حتی آنایی دِ که خیلی هَدَرِه گوناشون دَشت به جا ایمونِشون بوردِه وی مِبَخشَچه.

حتی شما خورِه کارون دِ مونوتونه باعث شما نجات گردِه.کاری نییِه که بوتونا با اَنجوم آدییَنِش جاوی رَفِقاوِه یا. جا یاقا باید ایمون بورا که عیسی خدا فِرِ و شما یاقا صلیب سَرِه دِ بومَرد. و خدا دوبارِه جاش زِندِه یِه. اِگه جی حقیقت ایمون بورا خدا دِ شما پاک گونایون مِبَخشِه.

خدا هر کَس که به عیسی ایمون بورِه و جاوِ به عنوان خوشتَنَرِش خدا قبول یَره، نجات آندییِه. امّا خدا آنایی که جاوِه ایمون نورِندِه، نجات آنی دییه. مهم نییِه فقیر گَردِه یا دارا، مردَک گَردِه یا زینییِه، پیر گَردِه یا جَوون و یا اینکه کا آدَم گَردِه. خدا شماش موقو و موقوش که به عیسی ایمون بورا تا آ بوتونه شما بی رابطه خورِش دِشتِه بی.

عیسی شما دعوت مییَرِه که جاوِه ایمون بورا و غسل بییَرا. آیا ایمون دِرا که عیسی هَمی آ مسیحِ که وعده آدییِستی و خدا تَنا فِرِ؟ آیا ایمون دِرا که گونا کاریون و حقّییونِه که خدا شما مجازات یَرِه؟ آیا ایمون دِرا که عیسی صِلیبِ سَرِه بومَرد تا شما گونایون پاکاوِه؟

اِگه به عیسی و هر چیش که شما را اَنجوم آدا ایمون دِرا، پس شما مسیحییون! بعدِ جی شیطون خوشتَنَرِش تارِکه پادشاهی مونه دِ شما حکومت مینییَرِه. اَلون خدا خوشتَنَرِش روشینِه پادشاهی مونِه شما حکومت مییَرِه. خدا شماش قَویه یِه که قبل وارین گونا نییَرا و شما را خورِه زندگی بییَردَنِش بلدِه دا.

اِگه مسیحییون، خدا شما گونایون عیسی کارِ خاطِرِه مِبَخشه. اَلون خدا شما خوشتَنَرِش نَزدِکه رَفِق موزونِه نه دشمن.

اِگه خدا رَفِق و عیسای خدا نوکِریون، مشتاق جی یِیون که عیسی دَرسون خو پیرِوی یَرا. با جی وجود که مسیحی یِیشه، شیطون هاموندِه شما وسوسه مییَرِه تا گونا بییَرا، آمّا خدا همیشه خوشتَنَرِش وعدون عمل مییَرِه. آ ماجِه اِگه خوشتِنِریون گونایون واجیا شما مِبَخشِه و شما را قدرت آندییِه تا گونایونیون وی بِجَنگا.

خدا شما ماجِه که دویا یَرا و جاوِ گَپون بِخِنا. آ هَمی بییَن شما ماجِه که اَلادِه مسیحییون بی جاو عبادت یَرا و بقیه دِ واجیا که شما را چیش یِردی. اِگه پاک جیوا اَنجوم آدِیا، شمایون خدا مونه دِ رفاقت خیلی خوری به وجود ما.